கொசு ஸ்பிரே அடித்து பெற்ற மகளை கொலை செய்ய முயற்சித்த தந்தை

ராமநாதபுரம் அருகே தனது சொந்த மகளை கொசு ஸ்பிரே அடித்து கொலை செய்ய முயற்சித்த தந்தை கைது செய்யப்பட்டுள்ளார்.

ராமநாதபுர மாவட்டம் சத்திரகுடி அருகே உள்ள செம்மங்குடியை சேர்ந்தவர் சண்முகம். வயது 41. கூலித்தொழிலாளி. இவரது மக்கள் நிவேதா. வயது 16. வீட்டில்தான் இருந்து வருகிறார். கடந்த 26ம் தேதி தனது மகளை பாலியல் வன்கொடுமை செய்துவிட்டதாக அதேபகுதியை சேர்ந்த 24 வயது இளைஞர் ஒருவர் மீது சண்முகம் காவல்நிலையத்தில் புகார் அளித்தார். அந்த புகாரின் அடிப்படையில் அந்த இளைஞரை கைது செய்த போலீசார் அவரை போஸ்கோ சட்டத்தின்கீழ் வழக்குப்பதிவு செய்து சிறையில் அடைத்தனர்.

இந்நிலையில் நேற்றிரவு நிவேதா வழக்கம்போல் தூங்கிக்கொண்டிருந்தார். அப்போது சண்முகம் தனது மகள் என்றும் பாராமல் அவர் மீது கொசு ஸ்பிரே அடித்து கொல்ல முயற்சித்தார். உடனே முழித்துக்கொண்ட நிவேதா சத்தம்போட்டார். அக்கம்பக்கத்தில் இருந்தவர்கள் நிவேதாதை மீட்டனர். இதனையடுத்து மகளை கொலை செய்ய முயற்சித்ததாக சண்முகத்தை போலீசார் கைது செய்துள்ளனர். போலீசார் விசாரணையின்போது,  ‘உன் மகள்தான் கெட்டுப்போச்சே. இனி என்ன...’ என பலர் தன் காதுபடவே பேசுவதாகவும் இதனால் தான் மனஉளைச்சலில் இருந்ததாகவும் தெரிவித்துள்ளளார். எனவேதான் மகளை கொன்றுவிட்டு தானும் தற்கொலை செய்து கொள்ளலாம் என்ற நிலையில் இருந்தபோது அது நடக்காமல் போய்விட்டதாகவும் போலீசார் விசாரணையில் சண்முகம் தெரிவித்துள்ளார்.