கிறிஸ்துமஸ் மரங்களுக்கு பற்றாக்குறை

அமெரி‌க்காவில் கிறிஸ்துமஸ் மரங்களுக்கு பற்றாக்குறை ஏற்பட்டிருப்பதால் பண்டிகையை கொண்டாடுவதில் பொதுமக்களுக்கு சிக்கல் ஏற்பட்டுள்ளது.

டிசம்பர் 25 ஆம் தேதி நாடு முழுவதும் கிறிஸ்துமஸ் பண்டிகை கொண்டாடப்படுகிறது. இந்தியாவைக் காட்டிலும் வெளிநாடுகளில் ஒரு மாதத்திற்கு முன்னரே கிறிஸ்துமஸ் கொண்டாட்டங்கள் கலைக்கட்ட துவங்கி விடுவது வழக்கம். ஆனால் தற்போது அமெரிக்கா போன்ற பெரு நாடுகளில் கிறிஸ்துமஸ் பண்டிக்கைக்கு பயன்படும் கிறிஸ்துமஸ் மரங்களுக்கு பற்றாக்குறை ஏற்பட்டுள்ளது.     

எட்டு ஆண்டுகளுக்கு முன் பொருளாதாரத்தில் மந்த நிலை ஏற்பட்டதால் கிறிஸ்துமஸ் மரங்களை பயிர் செய்யும் தொழிலை விவசாயிகள் கைவிட்டனர். இதன் காரணமாக தற்போது கிறிஸ்துமஸ் மரத்துக்கு கடும் பற்றாக்குறை ஏற்பட்டுள்ளது. இதனால் கிறிஸ்துமஸ் மர‌ங்களின் விலையும் சந்தைகளில் கடுமையாக உயர்ந்துள்ளது. வீடுகளில் கிறிஸ்துமஸ் மரத்தை வைத்து இரவு நேரங்களில் தெருக்களை ஜொலிக்க வைக்கும் அமெரிக்கா உள்ளூர் வாசிகள் தற்போது கிறிஸ்துமஸ் மரத்தின் பற்றாக்குறை மற்றும் விலை ஏற்றத்தால் ஏமாற்றம் அடைந்துள்ளனர்.