[X] Close

திருச்சி அருகே போர்வெல் லாரி மீது வேன் மோதி கோர விபத்து: 10 பேர் உயிரிழப்பு

Accident-near-Trichy--10-Dead

திருச்சி மாவட்டம் துவரங்குறிச்சி‌ அருகே போர்வெல் லாரி மீது வேன் மோதியதில் இரண்டு குழந்தைகள் உட்பட 10 பேர் பரிதாபமாக உயிரிழந்தனர்.

கன்னியாகுமரி மாவட்டம் நாகர்கோவிலில் இருந்து திருப்பதிக்கு 15 பேர் கொண்ட குழுவினர் டெம்போ டிராவலர் வேன் மூலம் சென்று கொண்டிருந்தனர். வேன் துவரங்குறிச்சி அருகே சென்றுகொண்டிருந்த போது, அந்தப்பகுதியில் ‌நின்று கொண்டிருந்த போர்வெல் லாரி மீது வேன் வேகமாக மோதியது. அந்தக் கோர விபத்தில் சிக்கி 9 பேர் சம்பவ இடத்திலேயே பரிதாபமாக உயிரிழந்தனர். ஒருவர் மருத்துவமனை கொண்டு செல்லும் வழியில் உயிரிழந்தார். இவர்களில் 2 பேர் குழந்தைகள். மேலும், விபத்தில் படுகாயமடைந்த 5 பேர் திருச்சி அரசு மருத்துமனையில் அனுமதிக்கப்பட்டுள்ளனர்.

விபத்து குறித்து தகவலறிந்து சம்பவ இடத்திற்கு விரைந்த, மத்திய மண்டல ஐ.ஜி. வரதராஜு, மாவட்ட காவல் கண்காணிப்பாளர் கல்யாண் ஆகியோர் மீட்பு பணிகளை துரிதப்படுத்தியதோடு, விபத்து ஏற்பட்டதற்கான காரணம் குறித்து விசாரணை நடத்தினர். இதனிடையே விபத்தில் வேன் உருகுலைந்து போனதால், அதில் சிக்கிக்கொண்டவர்களின் உடலை மீட்க தீயணைப்புத்துறையினர் ஒன்றரை மணி நேரம் போராடினர்.


Advertisement

வீடியோ

Advertisement:

Advertisement

Advertisement
[X] Close