[X] Close

தமிழகத்தில் பாஜக ஆட்சி செய்து வருகிறது: ஸ்டாலின் விமர்சனம்

BJP-is-ruling-in-Tamil-Nadu--Stalin-s-criticism

தமிழகத்தில் அதிமுகவுக்குப் பதில் மத்தியில் உள்ள பாரதிய ஜனதா ஆட்சி செய்து வருவதாக திமுக செயல் தலைவரும், எதிர்க்கட்சித் தலைவருமான மு.க.ஸ்டாலின் குற்றம்சாட்டியுள்ளார்.

நீட் தேர்வை ரத்து செய்யக் கோரியும், மாணவி அனிதாவின் மரணத்திற்கு நீதி வேண்டியும் திமுக, காங்கிரஸ் உள்ளிட்ட கட்சிகளின் சார்பில் தாம்பரத்தில் ஆர்ப்பாட்டம் நடைபெற்றது. அதில் பங்கேற்றுப் பேசிய ஸ்டாலின், நீட் தேர்வை எதிர்த்து தமிழக சட்டப்பேரவையில் நிறைவேற்றப்பட்ட 2 தீர்மானங்களை மத்திய அரசு கிடப்பில் போட்டதாகச் சாடினார்.

மேலும் பேசிய அவர், " கருணாநிதி தொடுத்த வழக்கில்தான் 18-07-2013 அன்று உச்சநீதிமன்றம் நீட் தேர்வு செல்லாது என்ற தீர்ப்பு வழங்கியது. ஆனால் அதையும் மீறி மத்திய அரசு இன்று நீட் தேர்வை திணிக்கும் போது, இங்கு இருக்கும் பழனிசாமி தலைமையிலான குதிரை பேர ஆட்சி என்ன நடவடிக்கை எடுத்துள்ளது..? நீட் பயிற்சி மையம் என்ற ஒன்றை உருவாக்கி, அதில் பயிற்சி.. அதற்கு 3 லட்சம் ரூபாய். கிராமப்புறங்களில் இருக்கும் ஏழை எளிய மாணவர்களால் இந்த கட்டணத்தை எப்படி செலுத்த முடியும்..?  நீட் கோச்சிங் சென்டர்களுக்கு 3 லட்ச ரூபாய் செல்ல வேண்டும். அதில் வசூல் செய்ய வேண்டும் என்று ஒப்பந்தம் போட்டுக்கொள்ளும் கொடுமையை மத்தியில் உள்ள ஆட்சி நடத்திக் கொண்டிருக்கிறது. அதற்கு மாநிலத்தில் உள்ள அரசு துணை போகிறது" என ஸ்டாலின் தெரிவித்தார்.


Advertisement

வீடியோ

Advertisement:

Advertisement

Advertisement
[X] Close