2021-க்கான சிறந்த மகளிர் கிரிக்கெட் வீராங்கனை விருதை வென்றார் ஸ்மிருதி மந்தனா!

இந்திய மகளிர் கிரிக்கெட் அணியின் வீராங்கனை ஸ்மிருதி மந்தனா, சர்வதேச கிரிக்கெட் கவுன்சில் சார்பில் வழங்கப்பட்டுள்ள 2021-க்கான சிறந்த மகளிர் கிரிக்கெட் வீராங்கனை விருதை வென்றுள்ளார். Rachael Heyhoe-Flint என்ற பெயரில் வழங்கப்படும் விருதை இரண்டாவது முறையாக அவர் வென்றுள்ளார். முன்னதாக இந்த விருதை 2018-இல் அவர் வென்றிருந்தார். 

25 வயதான அவர் 2021-இல் மொத்தம் 22 சர்வதேச கிரிக்கெட் போட்டிகளில் விளையாடி 855 ரன்களை எடுத்திருந்தார். அவரது சராசரி 38.86. ஒரு சதம் மற்றும் ஐந்து அரை சதங்கள் இதில் அடங்கும். இந்திய அணியின் வெற்றியில் முக்கிய பங்கு வகித்துள்ளார் ஸ்மிருதி. 

ஆஸ்திரேலிய மண்ணில் நடைபெற்ற பகல் இரவு டெஸ்ட் போட்டியில் ஸ்மிருதி சதம் பதிவு செய்திருந்தார். கடந்த 2013 முதல் சர்வதேச கிரிக்கெட் களத்தில் விளையாடி வரும் அவர் மொத்தம் 4673 ரன்கள் எடுத்துள்ளார்.