[X] Close >

'சில்க்' ஸ்மிதாவை 'ரெஃபர்' செய்தது ஏன்? - தெலுங்கு நடிகை அனசுயா விளக்கம்

anasuya-bharajwaja

தெலுங்கு நடிகையான அனசுயா பரத்வாஜ், மறைந்த நடிகை 'சில்க்' ஸ்மிதாவின் வாழ்க்கை வரலாற்றுப் படத்தில் நடிக்கப்போகிறார் என்ற தகவல்கள் பரவியதை அடுத்து, அவர் தனது ட்விட்டர் பக்கத்தில் இன்று விளக்கம் அளித்துள்ளார்.


Advertisement

image

தெலுங்கில் பிரபல டிவி தொகுப்பாளினியாக இருந்து நடிகையாக மாறியவர் அனசுயா பரத்வாஜ். கடந்த 2018 ஆம் ஆண்டு தெலுங்கில் ஹிட் அடித்த ’ரங்கஸ்தலம்’ படத்திற்காக சிறந்த உறுதுணை நடிகைக்கான ஃபிலிம் ஃபேர் விருது வென்றவர். தற்போது அல்லு அர்ஜுன் நடிப்பில் வெளிவர இருக்கும் ’புஷ்பா’, இருமுறை தேசிய விருது வென்ற வம்சி கிருஷ்ணா இயக்கத்தில் ’ரங்க மார்த்தாண்டா’, சிரஞ்சீவி நடித்துவரும் ’ஆச்சார்யா’ உள்ளிட்ட படங்களில் பிஸியாக நடித்து வருகிறார்.


Advertisement

image

சமீபத்தில்கூட நடிகர் விஜய் சேதுபதியுடன் இருக்கும் படத்தைப் பகிர்ந்து  ’உண்மையான மக்கள் செல்வன்’ என்று இவர் பதிவிட்ட புகைப்படம் வைரலானது.

image


Advertisement

இந்நிலையில், நேற்று முன்தினம் தனது இன்ஸ்டாகிராம் பக்கத்தில், மறைந்த நடிகை 'சில்க்' ஸ்மிதா கண்ணாடியில் தனது முகத்தை பார்க்கும் பழைய படம் போலவே, தானும் கறுப்பு வெள்ளையில் கண்ணாடியைப் பார்க்கும் படத்தை பகிர்ந்து “புதிய தொடக்கம், கோலிவுட், தமிழ், ரெஃபரன்ஸ் சில்க் ஸ்மிதா” என்று பதிவிட்டிருந்தார்.

இதனால், சில்க் ஸ்மிதாவின் படத்தில் அனசுயா நடிக்கப்போகிறார் என்று தகவல் பரவியது. இந்திய சினிமாவில் மிகவும் புகழ்மிக்க நடிகையான சில்க் ஸ்மிதாவின் வாழ்க்கை வரலாற்று படமான ‘டர்ட்டி பிக்சர்’ படம் வசூல் சாதனை செய்ததோடு வித்யா பாலனுக்கு சிறந்த நடிகைக்கான தேசிய விருது கிடைத்தது.

image

ஆனால், சில்க் ஸ்மிதா அதிகப் படங்களில் நடித்த தமிழ், தெலுங்கு மொழிகளில் இதுவரை அவரது வாழ்க்கை வரலாற்று படம் எடுக்கவில்லை. அதனால், அனசுயா இன்ஸ்டாகிராம் பக்கத்தில் பகிர்ந்ததும் சமூக வலைதளங்களில் தீயாய் பரவியது இச்செய்தி.

ஆனால், இன்று தனது ட்விட்டர் பக்கத்தில் திடீரென்று, ”நான் சில்க் ஸ்மிதாவின் வாழ்க்கை வரலாறு சம்மந்தமான எந்தப் படத்திலும் நடிக்கவில்லை” என்று  விளக்கம் அளித்துள்ளார்.

image

Advertisement:

Advertisement

Advertisement

Advertisement
[X] Close