ஜூன் 1 முதல் 10-ஆம் வகுப்பு பொதுத்தேர்வு: அமைச்சர் செங்கோட்டையன் அறிவிப்பு

ஜூன் 1 முதல் 10-ஆம் வகுப்பு பொதுத்தேர்வு நடைபெறும் என பள்ளிக் கல்வித்துறை அமைச்சர் செங்கோட்டையன் தெரிவித்துள்ளார்.

இதுதொடர்பாக பேசிய அவர், ஜூன் 1-ஆம் தேதி முதல் ஜூன் 12-ஆம் தேதி வரை பத்தாம் வகுப்பு பொதுத்தேர்வு நடைபெறும் என தெரிவித்தார். ப்ளஸ் 1 மாணவர்களுக்கு நிலுவையில் உள்ள தேர்வுகள், ஜூன் 2-ஆம் தேதி முதல் நடைபெறும் எனவும் கூறினார்.

பேருந்து வசதி இல்லாததால் மார்ச் 24-ஆம் நாள், தேர்வு எழுதாத 36,842 ப்ளஸ் 2 மாணவர்களுக்கு ஜூன் 4-ஆம் தேதி தேர்வு நடைபெறும் என்றும் கூறினார்.

தேர்வு எழுதும் மாணவர்களுக்கு தேவையான வசதிகள் செய்து தரப்படும் என்று உறுதியளித்த அமைச்சர், பள்ளிகள் திறப்பு குறித்து எந்த முடிவும் எடுக்கப்படவில்லை எனக் கூறினார்.