[X] Close

“ஆட்சிக்கு வந்தால் பெட்ரோல், டீசல் விலை குறைப்பு”- ஸ்டாலின் உறுதி

Subscribe
Petrol-diesel-price-will-be-reduced-says-Mk-stalin

திமுக ஆட்சிக்கு வந்தவுடன் பெட்ரோல், டீசல், சமையல் எரிவாயு விலை உயர்வு கட்டுப்படுத்தப்படும் என அக்கட்சியின் தலைவர் மு.க.ஸ்டாலின் தெரிவித்துள்ளார்.


Advertisement

இடைத்தேர்தல் நடைபெற உள்ள திருப்பரங்குன்றம் தொகுதியில் திமுக வேட்பாளர் சரவணனை ஆதரித்து அக்கட்சியின் தலைவர் ஸ்டாலின் பரப்புரையில் ஈடுபட்டார். தொகுதிக்குட்பட்ட விரகனூர் கோழிமேடு, புளியங்குளம், சிலைமான் உள்ளிட்ட பகுதிகளில் நடந்து சென்று பொதுமக்களிடம் ஸ்டாலின் வாக்குச் சேகரித்தார். அத்துடன், புளியங்குளம், சிலைமான் பகுதிகளில் பெண்கள் மத்தியில் ஸ்டாலின் திண்ணைப் பரப்புரையில் ஈடுபட்டார். அப்போது ஸ்டாலினுடன் அங்கிருந்தவர்கள் செல்ஃபி எடுத்துக்கொண்டனர்.


Advertisement

திருப்பரங்குன்றம் தேர்தல் திருப்பத்தைத் தர வேண்டும் என்று மக்களிடையே பேசிய ஸ்டாலின், திமுக ஆட்சிக்கு வந்தால் கேபிள் கட்டணம் குறைக்கப்படும் என்று உறுதியளித்தார். திமுக ஆட்சியில் பெண்களுக்கு அதிக முக்கியத்துவம் கொடுக்கப்பட்டதாகக் கூறிய ஸ்டாலின், தற்போது திமுக தேர்தல் அறிக்கையில் பெண்களுக்கு வேலை வாய்ப்புகளும் அறிவிக்கப்பட்டுள்ளதாகத் தெரிவித்தார். அத்துடன் திமுக ஆட்சிக்கு வந்தவுடன் பெட்ரோல், டீசல், சமையல் எரிவாயு விலை உயர்வு கட்டுப்படுத்தப்படும் என்றும் ஸ்டாலின் உறுதி அளித்தார்.

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close