[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

சிக்கன் பக்கோடாவில் விஷம் : நாயுடன் சேர்ந்து உயிரிழந்த 8 பூனைகள் 

8-cats-who-died-along-with-the-dog-with-the-poisoned-has-eaten-in-chennai

சென்னை திருவொற்றியூரில் தெரு நாய் தொல்லையை தவிர்ப்பதற்காக வைக்கப்பட்ட விஷத்தை தின்ற நாயும், 8 பூனைகளும் உயிரிழந்துள்ளன. வாயில்லாத ஜீவன்களை மிகுந்த மரியாதையுடன் அப்பகுதி மக்கள் அடக்கம் செய்த நிகழ்வு நெகிழ்ச்சியை ஏற்படுத்தியுள்ளது.

சென்னை திருவொற்றியூர் முனுசாமி தெருவைச் சேர்ந்தவர் விஜயகுமார். 45 வயதான இவர் கார்பெண்டர் வேலை பார்த்து வருகிறார். இவர் வசிக்கும் பகுதியில், தெரு நாய் ஒன்று, விஜயகுமாரை நாள்தோறும் குரைத்து தொல்லை கொடுத்து வந்ததாகக் கூறப்படுகிறது. இதனால் ஆத்திரமடைந்த அவர், நாயை விஷம் வைத்து கொல்ல தீர்மானித்தார். இதற்காக சிக்கன் பக்கோடாவை வாங்கிய அவர், அதில் மயில் துத்தம் எனும் விஷத்தை கலந்து தெரு நாய்க்கு வைத்துள்ளார். 

இதனைத்தொடர்ந்து விஷம் கலந்த சிக்கன் பக்கோடாவை சாப்பிட்ட அந்த நாய் உயிரிழந்தது. மேலும், அதன் அருகே 8 பூனைகளும் சில எலிகளும் இறந்து கிடந்தன. பூனைகளும் விஷம் கலந்த சிக்கன் பக்கோடாவை சாப்பிட்டிருக்கலாம் எனத் தெரிகிறது. வாயில்லா ஜீவன்கள் உயிரிழந்ததை அறிந்த அப்பகுதி மக்கள் சோகத்தில் கண்ணீர் வடித்தனர். சொந்த உறவினர்கள் உயிரிழந்தது போல, சில பெண்கள் கதறி அழுதனர். இதையடுத்து மனிதர்களுக்கு செய்யும் ஈம சடங்குகள் போல, இறந்த பிராணிகளுக்கு மாலை அணிவித்து மரியாதை செலுத்தப்பட்டது. இதனிடையே நாய்க்கு விஷம் வைத்தது தொடர்பாக விஜயகுமாரை திருவொற்றியூர் போலீஸார் கைது செய்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close