[X] Close
JUST IN
  • BREAKING-NEWS தேர்தல் ஆணைய கூட்டங்களில் பங்கு பெறும் ஆணையர்களின் அனைத்து கருத்துகளும் பதிவு செய்யப்படும் - அசோக் லவாசாவின் எதிர் கருத்துகள் பதிவு செய்யப்படவில்லை என்ற சர்ச்சையை அடுத்து இன்று நடந்த தேர்தல் ஆணைய கூட்டத்தில் முடிவு
  • BREAKING-NEWS பொள்ளாச்சி விவகாரம்: சிபிஐ விசாரணை மூலம் விரைவில் உண்மை வெளியே வரும் என்ற நம்பிக்கை உள்ளது- சிபிஐ முன் ஆஜரான பின் நக்கீரன் ஆசிரியர் கோபால் பேட்டி
  • BREAKING-NEWS தூத்துக்குடி துப்பாக்கிச்சூட்டில் உயிரிழந்த 13 பேருக்கு நினைவுச்சின்னம் அமைக்க வேண்டும்- டிடிவி தினகரன் அறிக்கை
  • BREAKING-NEWS தமிழகத்தில் மே 23ம் தேதி வாக்கு எண்ணும் மையங்களில் கூடுதல் பாதுகாப்பு அளிக்க வேண்டும் - தலைமை தேர்தல் அதிகாரி சத்யபிரதா சாஹூவிடம் திமுக சார்பில் மனு
  • BREAKING-NEWS ராசிபுரம் குழந்தைகள் விற்பனை வழக்கில் கைதான அமுதா உள்பட 7 பேர் மீண்டும் ஜாமீன் கேட்டு மனு
  • BREAKING-NEWS அரவக்குறிச்சி இடைத்தேர்தலில் பதிவான வாக்குகளை 17 சுற்றுகளுக்குப் பதிலாக 32 சுற்றுகளாக எண்ண முடிவு
  • BREAKING-NEWS சென்னையில் பெட்ரோல் லிட்டருக்கு ரூ. 73.87 காசுகளாகவும், டீசல் லிட்டருக்கு ரூ. 69.97 காசுகளாகவும் விலை நிர்ணயம்

விவசாயிகளின் வாழ்வாதார திட்டங்களை காக்க பிரதமரிடம் வலியுறுத்த ஜெயலலிதாவுக்கு கோரிக்கை

tn-farmers-request-to-chief-minister-jayalalithaa

முதலமைச்சர் ஜெயலலிதா, பிரதமர் மோடியை சந்திக்கும்போது முன்வைக்கக்கூடிய கோரிக்கைகளில் காவிரி நதிநீர் பிரச்னையும் முக்கியமான ஒன்றாக கருதப்படுகிறது. இந்த சந்திப்பின்போது, டெல்டா மாவட்ட விவசாயிகளின் வாழ்வாதாரத்தை காக்கும் திட்டங்களை பிரதமரிடம், தமிழக முதலமைச்சர் முன்வைக்க வேண்டும் என்ற கோரிக்கையும் எழுந்துள்ளது.

தஞ்சை, திருவாரூர், நாகை உள்ளிட்ட டெல்டா மாவட்டங்களின் பாசனத்திற்காக மேட்டூர் அணை திறக்கப்படாததால், 5-ஆம் ஆண்டாக சாகுபடி பாதிக்கப்பட்டுள்ளது. முப்போக சாகுபடி மறைந்து, 2 போக சாகுபடியில் ஈடுபட்டு வந்த விவசாயிகள் கடந்த சில ஆண்டுகளாக ஒரு போக சாகுபடி செய்வதே குதிரைக் கொம்பாகி விட்டதாகக் கூறுகின்றனர். ஜூன் 12-ஆம் தேதி மேட்டூர் அணையை திறக்கும் வகையில், காவிரியில் இருந்து தண்ணீர் பெற ஆவண செய்ய வேண்டும் என முதலமைச்சருக்கு விவசாயிகள் கோரிக்கை விடுத்துள்ளனர்.

மேலும், கூட்டுறவு வங்கிகள் மட்டுமின்றி, பொதுத்துறை வங்கிகளில் விவசாயிகள் பெற்ற கடன்களையும் தள்ளுபடி செய்ய மத்திய அரசை முதலமைச்சர் வலியுறுத்த வேண்டும் என்பது டெல்டா விவசாயிகளின் எதிர்ப்பார்ப்பாக உள்ளது.

கர்நாடகாவிடமிருந்து காவிரி நீரை உரிய நேரத்தில் பெற காவிரி மேலாண்மை வாரியம் அமைக்கவும், காவிரி ஒழ‌ங்காற்று குழு அமைக்கவும் பிரதமரை வலியுறுத்தவும் விவசாயிகள் வேண்டுகோள் விடுத்துள்ளனர்.

தமிழகத்திலுள்ள நீர்நிலைகளை தூர்வாரி பராமரிக்காததாலேயே பாசனத்திற்கு அண்டை மாநிலங்களை நாட வேண்டியுள்ளதாக விவசாயிகள் வேதனை தெரிவித்துள்ளனர். இந்தநிலையை மாற்ற, நீர்நிலைகளை தூர்வார மத்திய அரசிடம் சிறப்பு நிதி பெறவும் முதலமைச்சருக்கு கோரிக்கை விடுக்கப்பட்டுள்ளது.

தண்ணீருக்காக அண்டை மாநிலங்களுடன் நீடித்து வரும் பிரச்னைகளுக்கு, முதலமைச்சரின் டெல்லி பயணத்திற்கு பிறகு தீர்வுக்காணப்படும் என டெல்டா மாவட்ட விவசாயிகள் நம்பிக்கை தெரிவிக்கிறார்கள்.

Advertisement:
இது தொடர்பான செய்திகள் :
Advertisement:
Advertisement:
[X] Close