[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

கோடையில் தடையற்ற மின்சார விநியோகம்? - உயர்நீதிமன்ற கிளை கேள்வி

any-action-has-been-taken-to-deliver-uninterrupted-power-supply-in-summer-hc

கோடை காலத்தில் தடையின்றி மின்சாரம் விநியோகம் செய்ய நடவடிக்கை எடுக்கப்பட்டுள்ளதா? என உயர்நீதிமன்ற மதுரைக்கிளை நீதிபதிகள் கேள்வி எழுப்பியுள்ளனர்.

சென்னையைச் சேர்ந்த ‘மக்கள் பணியில் மக்கள்’ சங்க பொருளாளர் தேசிகன், உயர் நீதிமன்ற மதுரைக் கிளையில் மனுவினைத் தாக்கல் செய்திருந்தார். அதில், “திருவாரூர், புதுக்கோட்டை, காரைக்கால், ராமநாதபுரம் மற்றும் கொடைக்கானல் பகுதிகளில் கஜா புயலால் ஒரு லட்சம் மின் கம்பங்கள், ஆயிரம் மின்மாற்றிகள், 201 துணை மின் நிலையங்கள் முழுமையாக சேதமாகின. கஜா புயல் பாதித்த பல கிராமங்களில் இன்னும் மின் விநியோகம் சீரடையவில்லை.

Image result for மின்சார விநியோகம்

இதனால் அந்த கிராமங்களில் குடிக்கவும், குளிக்கவும் பிற பணிகளை நிறைவேற்றவும் முடியாமல் மக்கள் தவிக்கின்றனர். இயற்கை பேரரிடர் காலங்களில் மின்சாரம் தடையின்றி கிடைத்தால் தான் பேரழிவில் இருந்து விரைவில் மீள முடியும். எதிர்காலத்தில் மின் விநியோக பாதிப்பு, மின் துண்டிப்பு போன்ற பிரச்சினைகளை தவிர்க்க பூமிக்கடியில் மின் கம்பிகளை கொண்டுச் செல்லும் திட்டத்தை அமல்படுத்த வேண்டும்.

Image result for மின்சார விநியோகம்

பூமிக்கடியில் மின் கம்பிகளை கொண்டுச்செல்வது எளிமையானது. பராமரிப்புக்காக அதிகமாக செலவிட வேண்டியது வராது. காற்று மற்றும் விபத்தின் போது மின் கம்பிகள் அறுந்து விழுந்து பாதிப்பு ஏற்படுவது தடுக்கப்படும். மின் திருட்டு குறையும், பிராணிகள், குறைந்த உயரத்தில் பறக்கும் விமானங்களுக்கு பாதிப்பு ஏற்படாது. மின் கம்பங்களை நட்டு உயரமாக மின் கம்பிகளை கொண்டுச் சென்று மின் விநியோகம் செய்வதை காட்டிலும் பூமிக்கடியில் மின் கம்பிகளை கொண்டுச் செல்வது பொதுமக்கள், விலங்குகள், சுற்றுச்சூழலுக்கு பாதுகாப்பானது. இது தொடர்பாக மின்வாரியத்துக்கு 2018- டிசம்பர் 4ல் மனு அனுப்பியும் நடவடிக்கை எடுக்கவில்லை. ஆகவே,  கடலோர பகுதி உட்பட தமிழகம் முழுவதும் பூமிக்கடியில் மின்கம்பிகளை கொண்டுச் சென்று மின் விநியோகம் செய்ய உத்தரவிட வேண்டும்" என கூறியிருந்தார்.

Image result for madurai high court

இந்த மனு நீதிபதிகள் கிருபாகரன், எஸ்.எஸ்.சுந்தர் அமர்வில் இன்று விசாரணைக்கு வந்தது. அப்போது, தமிழகத்தில், குறிப்பாக இயற்கை பேரிடர் நிகழும் பகுதிகளில் பூமிக்கடியில் மின் கம்பிகளை கொண்டுச்செல்லும் திட்டத்தை செயல்படுத்த மின்வாரியத்திடம் போதுமான நிதி உள்ளதா? கோடை காலத்தில் தடையின்றி மின்சாரம் விநியோகம் செய்ய நடவடிக்கை எடுக்கப்பட்டுள்ளதா? காற்றாலை மின் உற்பத்தியை முழுமையாக பயன்படுத்த நடவடிக்கை எடுக்கப்பட்டுள்ளதா? காற்றாலை மின்சாரம் தனியாருக்கு விற்கப்படுகிறதா? தமிழகத்தின் மின் தேவைக்காக பிற மாநிலங்களில் இருந்து மின்சாரம் வாங்கப்படுகிறதா? அப்படி வாங்கப்பட்டால் மின்சாரத்துக்கான கட்டணம் எவ்வளவு? சூரிய ஒளி மின் உற்பத்தி எவ்வளவு? அந்த மின்சாரம் முழுமையாக பயன்படுத்தப்படுகிறதா? தனியாருக்கு எவ்வளவு வழங்கப்படுகிறது என்று கேள்வி எழுப்பினர். மேலும் இது தொடர்பாக மின்வாரிய தலைவர் பதிலளிக்க உத்தரவிட்டு, விசாரணையை மார்ச் 18-ம் தேதிக்கு நீதிபதிகள் ஒத்திவைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close