[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

குட்கா விவகாரம்: அமைச்சர் விஜயபாஸ்கர் உதவியாளர் சிபிஐ முன் ஆஜர்

minister-vijay-bhaskar-s-assistant-appears-before-cbi-on-gutkha-scam-case

குட்கா ஊழல் விவகார விசாரணைக்காக சுகாதாரத்துறை  அமைச்சர் விஜயபாஸ்கரின் உதவியாளர் சரவணன் நுங்கம்பாக்கத்தில் உள்ள சிபிஐ அலுவலகத்தில் ஆஜரானார்

கடந்த 2016 ஆம் ஆண்டில் மாதவரத்தில் உள்ள ஒரு குட்கா குடோனில் வருமான வரித்துறை நடத்திய சோதனையில் குட்கா ஊழல் விவகாரம் வெளிவரக் காரணமாக அமைந்தது. பின் இது குறித்த வழக்குப் பதிவு செய்து விசாரணை செய்த நிலையில் சென்னை உயர்நீதிமன்ற உத்தரவையடுத்து குட்கா ஊழல் வழக்கு, லஞ்ச ஒழிப்புத் துறையிடம் இருந்து சிபிஐக்கு மாறியது.பின் கடந்த மே மாதம் சிபிஐ வழக்குப் பதிவு செய்து குட்கா ஊழல் தொடர்பான ஆவணங்களை ஆய்வு செய்தது. இதனைத்தொடர்ந்து சிபிஐ விசாரனையில் மாதவ ராவிடம் இருந்த டைரியில் 44 கோடி ரூபாய் கையூட்டு பெற்றவர்களின் விவரங்கள் உள்ளதாக கூறப்பட்டது. 

அதில் சுகாதாரத்துறை அமைச்சர் விஜயபாஸ்கர், டி.ஜி.பி. டி.கே.ராஜேந்திரன், சென்னை பெருநகர முன்னாள் காவல் ஆணையர் ஜார்ஜ் உள்ளிட்டோரின் பெயர்கள் இடம்பெற்றிருந்ததாக தகவல் வெளியானது. அதனடிப்படையில் விசாரணையை தீவிரப்படுத்திய சிபிஐ அதிகாரிகள் சுமார் 35 இடங்களில் திடீர் சோதனை நடத்தினர். 

இதனைத்தொடர்ந்து சுகாதாரத்துறை அதிகாரி சிவக்குமார் உள்ளிட்ட 6 பேருக்கு எதிராக குற்றப்பத்திரிகை தாக்கல் செய்யப்பட்டது. குற்றப்பத்திரிகையில் சுகாதாரத்துறை அமைச்சர் விஜயபாஸ்கர், டி.ஜி.பி. டி.கே.ராஜேந்திரன், சென்னை பெருநகர முன்னாள் காவல் ஆணையர் ஜார்ஜ் உள்ளிட்டோரின் பெயர்கள் இடம்பெறவில்லை. 

இந்நிலையில் இந்த வழக்கை விசாரணையை சிபிஐ தீவிரப்படுத்தியது. அமைச்சர் விஜயபாஸ்கரின் உதவியாளர் சரவணனுக்கு சிபிஐ 2 முறை சம்மன் அனுப்பியது. ஆனால் அவர் ஆஜராகவில்லை. இதையடுத்து  3வது முறையாக சிபிஐ சம்மன் அனுப்பியதை தொடர்ந்து இன்று காலை  நுங்கம்பாக்கத்தில் உள்ள சிபிஐ அலுவலகத்தில் சுகாதாரத்துறை  அமைச்சர் விஜயபாஸ்கரின் உதவியாளர் சரவணன் ஆஜரானார். அவரிடம் சிபிஐ அதிகாரிகள் விசாரணை மேற்கொண்டு வருகின்றனர்.

Advertisement:
Advertisement:
Advertisement:
[X] Close