[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை

டிசம்பர் 4, 5-ஆம் தேதிகளில் கனமழைக்கு வாய்ப்பு

chance-for-heavy-rain-in-tamilnadu

தென் கடலோர ஆந்திரா மற்றும் தமிழகத்தின் வட கடலோரங்களில் டிசம்பர் 4 மற்றும் 5-ஆம் தேதிகளில் கனமழைக்கு வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

கஜா புயலுக்கு பிறகு தென்மேற்கு வங்கக் கடலில் குறைந்த காற்றழுத்தத் தாழ்வுப் பகுதி ஒன்று உருவானது. பின்னர் அது வலு குறைந்து தமிழகத்தின் உள் பகுதிகளில் காற்றழுத்தத் தாழ்வுப் பகுதியாக நீடித்தது. இதன் காரணமாக டெல்டா பகுதிகளிலும் சில இடங்களிலும் கனமழை பெய்தது.

சென்னையை பொருத்தவரை இடைவெளிவிட்டு சிலமுறை மழை பெய்தது. இருப்பினும் வடகிழக்கு பருவமழை சராசரி அளவை விட குறைவாகவே பெய்துள்ளது. சென்னையில் இந்தாண்டு இதுவரை அவ்வளவு மழை இல்லை. இதனால் அடுத்தாண்டு தண்ணீர் தட்டுப்பாடு ஏற்பட்டு விடுமோ என்ற அச்சம் சென்னை வாசிகளிடையே நிலவுகிறது. அதேசமயம் டிசம்பர் மாதத்தில் எப்படியாவது மழை பெய்து விடும் என்ற நம்பிக்கையும் மக்கள் மத்தியில் நிலவுகிறது.

இந்நிலையில் தென் கடலோர ஆந்திரா மற்றும் தமிழகத்தின் வட கடலோரங்களில் டிசம்பர் 4 மற்றும் 5-ஆம் தேதிகளில் கனமழைக்கு வாய்ப்புள்ளதாக இந்திய வானிலை ஆய்வு மையம் தெரிவித்துள்ளது. மேலும், டிசம்பர் 3 மற்றும் 4-ஆம் தேதிகளில் தமிழகம் மற்றும் புதுவையை நோக்கி புதிய கிழக்கு திசை காற்று வீசும் என்றும் எதிர்ப்பார்க்கப்படுகிறது. மேலும், அந்தமான் அருகே ஒரு வலு குறைந்த காற்றழுத்த தாழ்வு நிலை உள்ளதாகவும் அதனால், அந்தமானில் மழை பெய்யும் என்றும் தெரிவிக்கப்பட்டுள்ளது.

Advertisement:
Advertisement:
Advertisement:
[X] Close