[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.73.29 காசுகளாகவும், டீசல் லிட்டருக்கு ரூ.68.14 காசுகளாகவும் விலை நிர்ணயம்
  • BREAKING-NEWS ஊடகங்களிடம் பேச அஞ்சும் பிரதமராக நான் இருக்கவில்லை; ஒவ்வொரு வெளிநாட்டு பயணம் முடிந்ததும் பத்திரிகையாளர் சந்திப்பு நடத்தியிருக்கிறேன் - முன்னாள் பிரதமர் மன்மோகன் சிங்
  • BREAKING-NEWS ரூ.1,258 கோடியில் மதுரையில் எய்ம்ஸ் அமைக்க மத்திய அமைச்சரவை ஒப்புதல் அளித்தது
  • BREAKING-NEWS 2 லட்சம் ரூபாய் வரையிலான விவசாயக் கடன்கள் தள்ளுபடி - மத்திய பிரதேச முதல்வர் கமல்நாத் அறிவிப்பு
  • BREAKING-NEWS மோடிதான் இந்தியாவின் அடுத்த பிரதமராக வருவார் - தமிழிசை சவுந்தரராஜன்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி

இனி இன்ஃபோசிஸ் ஊழியர்கள் மெட்ரோவில் பயணிப்பார்கள் பாருங்களேன்..!

infosys-employees-take-the-metro-rail-to-office

சாலைகளில் கார் எண்ணிக்கையை குறைக்கும் நடவடிக்கையிலும், பொதுபோக்குவரத்தை ஊழியர்கள் பயன்படுத்தும் வகையிலும் சென்னை மெட்ரோ நிறுவனம் இன்ஃபோசிஸ் நிறுவனத்துடன் கை கோர்த்துள்ளது.

சென்னை மகேந்திரா வேர்ல்ட் சிட்டியில் ஏராளமான ஐடி நிறுவனங்கள் உள்ளன. இங்கு பணியாற்றும் ஊழியர்களும் அதிகம். இவர்களில் பெரும்பாலானோர் வேலைக்குச் செல்ல இருசக்கர வாகனத்தை பயன்படுத்துகின்றனர். அல்லது கார்களை பயன்படுத்துகின்றனர். இதனாலும் சாலையில் போக்குவரத்து நெரிசல் ஏற்படுகிறது. இந்நிலையில் சாலைகளில் கார் எண்ணிக்கையை குறைக்கும் நடவடிக்கையிலும், பொது போக்குவரத்தை ஊழியர்கள் பயன்படுத்தும் வகையிலும் சென்னை மெட்ரோவுடன் கை கோர்த்துள்ளது மகேந்திரா வேர்ல்ட் சிட்டியில் உள்ள இன்ஃபோசிஸ் நிறுவனம்.

இதன்படி சென்னை ஆலந்தூர் மெட்ரோ நிலையத்தில் இருந்து பேருந்து ஒன்று இன்ஃபோசிஸ் ஊழியர்களை தங்களது அலுவலகத்திற்கு அழைத்துச் செல்கிறது. இந்த முயற்சி குறித்து சென்னை மெட்ரோ நிறுவனத்தை சேர்ந்த அதிகாரி கூறும்போது, பொது போக்குவரத்தை ஊக்குவிக்கும் வகையில் இந்த நடவடிக்கை எடுக்கப்பட்டுள்ளதாக தெரிவித்தார். வரும்காலங்களில் சோழிங்கநல்லூரில் உள்ள இன்ஃபோசிஸ் நிறுவனத்திற்கும் இந்த வசதி செய்து கொடுக்கப்பட உள்ளது என்றார்.

எனினும் இன்ஃபோசிஸ் நிறுவனம் இதுகுறித்து அதிகாரப்பூர்வ கருத்து எதுவும் தெரிவிக்கவில்லை. இருப்பினும் அங்கு பணியாற்றும் ஊழியர்கள் இதனை உறுதி செய்துள்ளனர். கடந்த வெள்ளிக்கிழமை முதல்முறையாக இந்த முறை அமல்படுத்தப்பட்ட நிலையில் அது தொடரும் எனத் தெரிகிறது.

இதுகுறித்து மகேந்திரா வேர்ல்ட் சிட்டியில் பணியாற்றும் இன்ஃபோசிஸ் ஊழியர் ஒருவர் கூறும்போது, உண்மையிலே இந்தத் திட்டம் சிறப்பானது என்றார். ஏற்கனவே போரூரில் உள்ள டிஎல்எஃப் நிறுவனத்துடன் இதேபோன்று சென்னை மெட்ரோ ஒப்பந்தமிட்டுள்ளது குறிப்பிடத்தக்கது.

Courtesy: TheHindu

Advertisement:
Advertisement:
Advertisement:
[X] Close