[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

தஞ்சை பெரிய கோயில் சிலைகள் குஜராத் சென்றதன் பின்னணி?

thanjavur-temple-statue-bring-back-chennai

உலகப்புகழ் பெற்ற தஞ்சை பெரிய கோயிலில் இருந்து வரலாற்று சிறப்புமிக்க சிலைகள் குஜராத் அருங்காட்சியகத்தில் இருந்து மீட்கப்பட்டு இன்று தமிழகம் கொண்டு வரப்பட்டன.  

கி.பி. 1010-ம் ஆண்டில் தஞ்சை பெரிய கோயில் கட்டப்பட்டு குடமுழுக்கு விழா நடந்த போது, சோழ நாட்டு சேனாதிபதி கிருஷ்ணன் ராமன் என்பவர் ராஜராஜர் மற்றும் பட்டத்து அரசி உலகமாதேவி ஆகியோரின் சிலைகளை ஆலயத்தில் நிறுவினார். 900 ஆண்டுகளுக்கும் மேலாக தஞ்சை பெரிய கோயிலில் இருந்த இந்தச் சிலைகள் 50 ஆண்டுகளுக்கு முன்பு மாயமானது. கடந்த 2010-ம் ஆண்டு தஞ்சை பெரிய கோயில் கட்டப்பட்டு ஆயிரமாவது ஆண்டு விழா நடைபெற்றபோது தான் சிலைகள் மாயமானது கவனத்தில் கொள்ளப்பட்டது. இதனையடுத்து நடைபெற்ற தேடலில் மாயமான சிலைகள் குஜராத் மாநிலம் அகமதாபாத்தில் உள்ள கௌதம் சாராபாய் பவுண்டேசன் காலிகோ அருங்காட்சியகத்தில் இருப்பது தெரியவந்தது.

இந்த உலோகச் சிலைகள் 50 ஆண்டுகளுக்கு முன்பு பெரிய கோயில் நிர்வாகிகளால் திருடப்பட்டு தஞ்சாவூர் கபிஸ்தலம் அருகே உள்ள சறுக்கை கிராமத்தைச் சேர்ந்த ராவ் பகதூர் சீனிவாச கோபாலச்சாரியார் என்பவர் மூலமாக சாராபாய் அருங்காட்சியத்துக்கு விற்கப்பட்டதாக கூறப்படுகிறது. இதனைத் தொடர்ந்து அப்போதைய தமிழக அமைச்சர் தங்கம் தென்னரசு, ஐ.ஏ.எஸ். அதிகாரி இறையன்பு, தொல்லியல் அறிஞர் நாகசாமி, வரலாற்று ஆய்வாளர் குடவாயில் பாலசுப்பிரமணியன் ஆகியோர் அடங்கிய குழு குஜராத் அருங்காட்சியகத்துக்கு நேரில் சென்று அங்குள்ள சிலைகள் தஞ்சை பெரிய கோயிலில் இருந்து திருடப்பட்டது என்பதை உறுதி செய்தது. ஆனால் தமிழக குழுவின் முடிவை ஏற்க அருங்காட்சியக உரிமையாளர்கள் மறுத்து விட்டதாலும், திருட்டு குறித்து வழக்குப்பதிவு செய்யப்படாததாலும் சிலைகளை மீட்க முடியவில்லை.

இதுகுறித்து ஐ.ஜி. பொன்.மாணிக்கவேல் தலைமையிலான காவல்துறையினர் விசாரணை நடத்திய போது, 50 ஆண்டுகளுக்கு முன் பெரிய கோயிலில் இருந்து பல அரிய சிலைகள் திருடப்பட்டுள்ள‌தையும், அதுகுறித்து கோயில் நிர்வாகமும், அறநிலையத்துறையும் புகார் அளிக்காமல் இருந்ததையும் கண்டுபிடித்தது. இதையடுத்து விசாரணை அதிகாரியான துணை கண்காணிப்பாளர் ராஜாராம் சிலை கடத்தல் தடுப்புப்பிரிவு சார்பில் தஞ்சாவூர் மேற்கு காவல்நிலையத்தில் முறையாக புகார் அளித்தார். அதனைத் தொடர்ந்து உரிய ஆதாரங்கள் மற்றும் உத்தரவுகளுடன் கடந்த 28-ம் தேதி குஜராத் அருங்காட்சியகத்துக்கு சென்ற ஐ.ஜி. பொன்.மாணிக்கவேல் தலைமையிலான குழு சிலைகளை மீட்டு இன்று தமிழகம் கொண்டு வரப்பட்டது.  மீட்கப்பட்ட ராஜராஜர் சிலை நூறு கோடி ரூபாய் மற்றும் உலகமாதேவி சிலை 50 கோடி ரூபாய் மதிப்பும் கொண்டது என்பது குறிப்பிடத்தக்கது. 

இந்நிலையில் குஜராத் அருங்காட்சியகத்தில் இருந்து ராஜராஜன், உலகமாதேவி சிலைகளை கொண்டுவந்த ஐ.ஜி.பொன்.மாணிக்கவேலுக்கு அமைச்சர் பாண்டியராஜன் மாலை அணிவித்து மரியாதை செய்தார். அப்போது பேசிய அமைச்சர் மாஃபா பாண்டியராஜன், தமிழகத்தில் இருந்து காணாமல் போன ஏராளமான சிலைகளை சிலைக்கடத்தல் தடுப்புப்பிரிவு மீட்டுள்ளது என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close