[X] Close
JUST IN
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்

தீக்குளிக்க முயன்ற காவலர்கள் மீது ஒழுங்கு நடவடிக்கை: தேனி எஸ்பி உறுதி

theni-sp-baskaran-give-explaination-about-police-suicide-try-in-chennai

சென்னை டிஜிபி அலுவலகம் முன்பு தீக்குளித்து தற்கொலைக்கு முயன்ற காவலர்கள் மீது ஒழுங்கு நடவடிக்கை எடுக்கப்படும் என தேனி மாவட்ட எஸ்பி பாஸ்கரன் கூறியுள்ளார்.

‘இடமாற்றத்திற்கு தவறும், ஒழுங்கின்மையும் தான் அடிப்படை, சாதி ரீதியான பாகுபாடு அல்ல. இருவரின் நடவடிக்கைகள் சரியில்லாததால் ராமநாதபுரம் மாவட்டத்திற்கு இடமாற்றம் செய்யப்பட்டுள்ளனர்’ என்று அவர் கூறியுள்ளார். சென்னை டிஜிபி அலுலகம் முன் கணேஷ், ரகு என்ற இரண்டு ஆயுதப்படை காவலர்கள் தீக்குளிக்க முயன்றனர். ஜாதி ரீதியாக பாகுபாட்டின் அடிப்படையில் தங்களை இடமாற்றம் செய்ய உயர் அதிகாரிகள் முயற்சித்ததாக அவர்கள் குற்றம்சாட்டினர். 

இந்த சம்பவம் குறித்து எஸ்பி பாஸ்கரன் செய்தியாளர்களிடம் பேசுகையில், “காவலர் கணேஷ் சிறைக்கைதியை ஆஜர்ப்படுத்தும் போது கைதியிடம் கஞ்சா இருந்தது கண்டறியப்பட்டது. அப்போது, சிறைக்காவலர் அளித்த புகாரின் பேரில் கணேஷ் மீது நடவடிக்கை எடுக்கப்பட்டது. அதேபோல், கம்பத்தில் நடைபெற்ற ரேக்ளா பந்தயத்தில் சீருடையுடன் கலந்து கொண்டு மக்கள் முகம் சுழிக்கும் வகையில் நடந்து கொண்டார். அதன் மீதும் அவர் மீது நடவடிக்கை எடுக்கப்பட்டுள்ளது. ஒவ்வொரு முறை பணி நியமனம் செய்யும் போதும், உயர் அதிகாரிகள் சிரமப்படும் வகையில் சென்றுவிடுவார். உயர் அதிகாரிகளுடன் வாக்குவாதம் செய்வதை வாடிக்கையாக கொண்டுள்ளார். 

அதேபோல், காவலர் ரகு அவசர காலங்களில் பணிக்கு அழைக்கும் போது போனை சுவிட்ச் ஆப் செய்துவிடுவார். காவலர் குடியிருப்பிலும் இருக்கமாட்டார். இவரும் காவல் அதிகாரிகளுடன் வாக்குவாதம் செய்வதையே வாடிக்கையாக கொண்டுள்ளனர். இந்த இரண்டு காவலர்கள் மீது வந்த புகார்களின் அடிப்படையில் அவர்கள் மீது நடவடிக்கை எடுக்கப்பட்டுள்ளது. தவறுகளை திருத்திக் கொள்ளும் பொருட்டு இவர்கள் இருவருடன் சேர்த்தும் மொத்தம் 4 பேர் ராமநாதபுரம் மாவட்டத்திற்கு இடமாற்றம் செய்யப்பட்டுள்ளனர். இடமாற்றத்தை ஏற்க மறுத்து காவலர்கள் கணேஷ், ரகு வாக்குவாதத்தில் ஈடுபட்டு வருகின்றனர். காவல் அதிகாரிகளை மிரட்டும் வகையில் போஸ்டர் ஒட்டி வருகின்றனர்” என்று கூறினார். 

Advertisement:
Advertisement:
Advertisement:
[X] Close