[X] Close
JUST IN
  • BREAKING-NEWS ப.சிதம்பரத்தின் ஜாமீன் மனு மீது உச்சநீதிமன்றம் இன்று விசாரணை
  • BREAKING-NEWS தமிழகத்தில் பழைய சொத்துவரி முறையே தொடரும்: அமைச்சர் எஸ்.பி.வேலுமணி அறிவிப்பு
  • BREAKING-NEWS சர்க்கரை குடும்ப அட்டைகள் வைத்திருப்பவர்கள், விரும்பினால் அரிசி குடும்ப அட்டைகளாக மாற்றிக் கொள்ளலாம்: தமிழக அரசு
  • BREAKING-NEWS வரும் 29-ம் தேதி இந்தியா வருகிறார் இலங்கையின் புதிய அதிபர் கோத்தபய ராஜபக்ச

மோடி நடவடிக்கையால் மிஞ்சியது நீங்கா துயரமே: மு.க.ஸ்டாலின்

stalin-accusation-on-demonetisation

பணமதிப்பிழப்பு விவகாரத்தில் மக்களுக்கு இன்று வரை எஞ்சியிருப்பது ‘நீங்கா துயரம் மட்டுமே!’ என தமிழக எதிர்க்கட்சி தலைவர் மு.க.ஸ்டாலின் தெரிவித்துள்ளார்.

அவர் வெளியிட்டுள்ள அறிக்கையில், ரூபாய் நோட்டுகள் செல்லாது அறிவிப்பை ‘குறுகிய கால சிரமம், நீண்ட கால பயன்’ என்று மத்திய அரசு சொல்லி நடைமுறைபடுத்தி உள்ளதைக் குறிப்பிட்டுள்ளார். இதனால் ஏற்படும் மக்களின் துயரம் கண்டு அண்டை மாநில அரசுகள் அவசர நடவடிக்கைகளை மேற்கொண்ட நிலையில், அதிமுக அரசு வேடிக்கை மட்டுமே பார்த்து வருவதை தமிழக மக்கள் நிச்சயம் மறக்கவும் மாட்டார்கள், மன்னிக்கவும் மாட்டார்கள் என ஸ்டாலின் குற்றம் சாட்டியுள்ளார்.

தலைமைச் செயலகத்திற்குள் வருமான வரித்துறை சோதனை நடத்தியதை சுட்டிகாட்டியுள்ள ஸ்டாலின், 125 கோடி மக்களின் பிரச்சனையை பாராளுமன்றத்தில் விவாதிக்க பாஜக அரசுக்கு நேரமில்லை என குற்றம் சாட்டியுள்ளார்.

50 நாட்கள் பொறுத்துக் கொள்ளுங்கள் என்று மோடி அறிவித்திருந்ததைச் சுட்டிக்காட்டியுள்ள ஸ்டாலின், 50 நாட்கள் கழிந்தும் மக்களின் சிரமங்கள் குறையவில்லை என்று தெரிவித்துள்ளார். எத்தனை கருப்பு பண முதலைகள் பிடிபட்டுள்ளார்கள் என்பது குறித்து மக்களுக்கு தெரியப்படுத்த வெள்ளை அறிக்கை வெளியிட வேண்டும் எனவும் ஸ்டாலின் வலியுறுத்தியுள்ளார்.

Advertisement:
Advertisement:
Advertisement:
[X] Close