[X] Close
JUST IN
  • BREAKING-NEWS தமிழகத்தில் இன்றும் கனமழைக்கு வாய்ப்பு
  • BREAKING-NEWS நள்ளிரவில் அனந்தசரஸ் குளத்தில் வைக்கப்பட்டது அத்திவரதர் சிலை..!
  • BREAKING-NEWS சந்திரயான்-2 விண்கலம் செப்.7 ஆம் தேதி நிலவில் தரையிறங்குகிறது - இஸ்ரோ
  • BREAKING-NEWS கர்நாடக அணைகளில் இருந்து காவிரியில் உபரிநீர் திறப்பு வினாடிக்கு 34,000 கன அடியாக அதிகரிப்பு
  • BREAKING-NEWS தமிழகத்தில் ஆவின் பால் விலை லிட்டருக்கு ரூ.6 உயர்வு - தமிழக அரசு

கலிங்கப்பட்டியில் உள்ள டாஸ்மாக் கடையை நிரந்தரமாக மூட உத்தரவு

madurai-high-court-ordered-to-close-kalingapatty-tasmac

கலிங்கப்பட்டியில் உள்ள டாஸ்மாக் கடையை நிரந்தரமாக மூட வேண்டும் என சென்னை உயர்நீதிமன்றக் மதுரைக் கிளை உத்தரவிட்டுள்ளது.

நெல்லை மாவட்டம் கலிங்கப்பட்டியில் உள்ள டாஸ்மாக் மதுபானக் கடையை மூடக் கோரி ம.தி.மு.க. பொதுச் செயலாளர் வைகோவின் சகோதரரும், கலிங்கப்பட்டி ஊராட்சித் தலைவரருமான ரவிச்சந்திரன், உயர் நீதிமன்ற மதுரை கிளையில் பொதுமனு தாக்கல் செய்திருந்தார். இதில், மதுபானக் கடையை நிரந்தரமாக மூடுவதற்கு நெல்லை ஆட்சியருக்கு உத்தரவிட வேண்டும் என்று கோரியிருந்தார்.

இந்த மனுவை விசாரித்த உயர் நீதிமன்ற மதுரை கிளை, இதுகுறித்து நெல்லை மாவட்ட ஆட்சியர் பரிசீலித்து உரிய உத்தரவு பிறப்பிக்க வேண்டும் என உத்தரவிட்டது. மனுதாரர் ரவிச்சந்திரனின் கோரிக்கையை பரிசீலித்த ஆட்சியர் அதை நிராகரித்து உத்தரவிட்டார்.

இதையடுத்து, ஆட்சியரின் உத்தரவை ரத்து செய்து, கலிங்கப்பட்டியில் உள்ள மதுபானக்கடையை மூட வேண்டும் என்று ரவிச்சந்திரன் மீண்டும் உயர் நீதிமன்ற மதுரை கிளையில் மனு தாக்கல் செய்தார். இதனை விசாரித்த நீதிமன்றம், கலிங்கப்பட்டியில் உள்ள மாஸ்மாக் மதுபானக் கடையை நிரந்தரமாக மூட உத்தரவிட்டுள்ளது.

இந்த டாஸ்மாக் கடையை மூடக் கோரி மதிமுக பொதுச் செயலாளர் வைகோவும் போராட்டம் நடத்தியிருந்தது குறிப்பிடத்தக்கது.

Advertisement:
Advertisement:
Advertisement:
[X] Close