[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

தென்னாப்பிரிக்க கிரிக்கெட் தொடர்: யார் யாருக்கு வாய்ப்பு கிடைக்கும்?

the-indian-squad-for-south-africa-tour-to-be-named-today

தென்னாப்பிரிக்க கிரிக்கெட் தொடருக்கான வீரர்கள் தேர்வு இன்று நடக்கிறது.

இந்திய கிரிக்கெட் அணி, தற்போது இலங்கை அணியுடன் விளையாடி வருகிறது. இதையடுத்து தென்னாப்பிரிக்கா சென்று விளையாட இருக்கிறது. மூன்று டெஸ்ட் போட்டிகள், ஆறு ஒருநாள் போட்டிகள், மூன்று டி20 போட்டி என நீண்ட இந்த தொடருக்கான இந்திய அணி நவ.27 தேர்வு செய்யப்பட இருந்தது. ஆனால், அது தள்ளி வைக்கப்பட்டு இன்று நடக்கிறது. 

இந்திய டெஸ்ட் அணிக்கு திரும்பியிருக்கிற ஜடேஜா, அஸ்வின் ஆகியோர் சிறப்பாக செயல்பட்டிருப்பதால் அவர்களுக்கு மீண்டும் வாய்ப்பு கிடைக்கும் என்று தெரிகிறது. டெஸ்ட் போட்டியில் தொடக்க ஆட்டக்காரர்கள் தவான், ராகுல், முரளி விஜய் ஆகியோர் சிறப்பாக ஆடி வருவதால் யாரை தேர்வு செய்வது என்பதில் அணி நிர்வாகம் குழப்பத்தில் உள்ளது. இருந்தாலும் முந்தைய போட்டியில் முரளி விஜய் அபாரமாக ஆடியுள்ளதால் அவரை தவிர்க்க முடியாது. இதனால் ராகுலுக்கு சிக்கல் ஏற்பட்டுள்ளது.

வேகப்பந்துவீச்சைப் பொறுத்தவரை, புவனேஷ்வர்குமார், ஷமி, உமேஷ் யாதவ், இஷாந்த் சர்மா ஆகியோர் தேர்வு செய்யப்பட இருக்கிறார்கள். இலங்கை தொடருக்கு ஓய்வு அளிக்கப்பட்டிருந்த ஆல் ரவுண்டர் ஹர்திக் பாண்ட்யா அணிக்கு திரும்புகிறார். ஒரு நாள் போட்டிகளில் மட்டும் விளையாடி வரும் யார்க்கர் ஸ்பெஷலிஷ்ட் பும்ராவுக்கு தென்னாப்பிரிக்க டெஸ்ட் தொடரில் ஆட வாய்ப்பு கிடைக்கலாம் என தெரிகிறது. 

குல்தீப் யாதவுக்கு வாய்ப்பு கிடைப்பது சந்தேகம் எனவும் விக்கெட் கீப்பராக சாஹா இருந்தாலும் பார்த்திவ் பட்டேலும் தேர்வு செய்யப்பட இருப்பதாகவும் கூறப்படுகிறது. ரஹானே இலங்கைக்கு எதிரான தொடரில் சிறப்பாக ஆட வில்லை என்றாலும் வெளிநாடுகளில் அவரது ஸ்டிரைக் ரேட் அபாரமாக இருப்பதால் அவர் அணியில் சேர்க்கப்படுகிறார். 

Advertisement:
Advertisement:
Advertisement:
[X] Close