[X] Close
JUST IN
  • BREAKING-NEWS வணிக ஒத்துழைப்புக்கு நம்பிக்கைக்குரிய நாடு இந்தியா: கனடா பிரதமர் ஜஸ்டின் ட்ரூடோ
  • BREAKING-NEWS இந்தியாவில் அதிகரித்து வரும் எரிசக்தி தேவையை கனடா பூர்த்தி செய்யும் - பிரதமர் மோடி
  • BREAKING-NEWS முதல்வருடன் நட்பில் இருப்பதால் தொழில் தொடங்க விரும்புவோர் என்னை அணுகலாம் - ஆளுநர் பன்வாரிலால் புரோஹித்
  • BREAKING-NEWS இரண்டு நாட்களில் முழுமையாக டவர்கள் சீர் செய்யப்பட்டு ஏர்செல் சேவை தொடங்கப்படும் - ஏர்செல் தென்னிந்திய தலைமை செயல் அதிகாரி சங்கர நாராயணன்
  • BREAKING-NEWS நானும் கமலும் வேறு வேறு பாதையில் சென்றாலும் இருவரின் நோக்கமும் மக்களுக்கு நல்லது செய்வதே - ரஜினிகாந்த்
  • BREAKING-NEWS ராகவேந்திரா திருமண மண்டபத்தில் நெல்லை மாவட்ட ரசிகர்களுடன் நடிகர் ரஜினிகாந்த் சந்திப்பு
  • BREAKING-NEWS டிடிவி தினகரனுடன் கள்ளக்குறிச்சி தொகுதி அதிமுக எம்எல்ஏ பிரபு திடீர் சந்திப்பு

அதிரடி வார்னரை மந்தமாக்கிய வங்கதேச பந்துவீச்சாளர்கள்

david-warner-hits-20th-test-ton-in-trying-conditions

வங்கதேசத்திற்கு எதிரான இரண்டாவது டெஸ்ட் போட்டியில் ஆஸ்திரேலிய அணியின் அதிரடி ஆட்டக்காரர் டேவிட் வார்னர் தனது மந்தமான சதத்தை பதிவு செய்துள்ளார்.

வங்கதேசம் - ஆஸ்திரேலியா அணிகளுக்கு இடையிலான 2-வது டெஸ்ட் கிரிக்கெட் சிட்டகாங்கில் நடைபெற்று வருகிறது. டாஸ் வென்று முதலில் பேட்டிங் தேர்வு செய்த வங்காள தேசம் 305 ரன்கள் குவித்து முதல் இன்னிங்சில் ஆல்அவுட் ஆனது.

பின்னர் முதல் இன்னிங்சை தொடங்கிய ஆஸ்திரேலியா நேற்றைய 2-வது நாள் ஆட்ட முடிவில் 2 விக்கெட் இழப்பிற்கு 225 ரன்கள் எடுத்திருந்தது. வார்னர் 88 ரன்னுடனும், ஹேண்ட்ஸ்காம்ப் 69 ரன்னுடனும் களத்தில் இருந்தனர்.

மூன்றாவது நாளான இன்று தொடர்ந்து சிறப்பாக விளையாடிய வார்னர் சதம் அடித்தார். அவர் 209 பந்தில் 5 பவுண்டரிகளுடன் இந்த சதத்தை அடித்தார். தொடர்ந்து விளையாடிய அவர் 234 பந்தில் 7 பவுண்டரியுடன் 123 ரன்கள் குவித்து ஆட்டமிழந்தார். ஆஸ்திரேலிய அணி ஆட்ட நேர முடிவில் 9 விக்கெட் இழப்புக்கு 379 குவித்தது. வங்கதேசம் தரப்பில் முஸ்தபீர் ரஹ்மான், ஹசன் மிர்சா தலா 3 விக்கெட்டுகளை எடுத்தனர். வார்னரின் சதத்தால் ஆஸ்திரேலிய அணி 72 ரன்கள் முன்னிலை பெற்றுள்ளது.

அதிரடி ஆட்டக்காரரான வார்னர் குறைவான பந்துகளில் சதம் அடிக்கக் கூடியவர். பெரும்பாலும் 100-30 பந்துகளில் சதம் அடித்துவிடுவார். இதற்கு முன் இந்தியாவிற்கு எதிராக 2014-ல் 154 பந்தில் சதம் அடித்ததே மந்தமான சதமாக இருந்தது. தற்போது, 209 பந்துகளில் சதம் அடித்து தனது மந்தமான சதத்தை பதிவு செய்துள்ளார். 66 டெஸ்ட் போட்டிகளில் விளையாடியுள்ள வார்னர், 20 சதம், 24 அரைசதங்கள் விளாசியுள்ளார்.

Advertisement:
Advertisement:
Advertisement:
[X] Close