[X] Close
JUST IN
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி
  • BREAKING-NEWS முன்ஜாமீன் கோரும் ப.சிதம்பரம் மனுவை நீதிபதி அருண் மிஸ்ரா அமர்வுக்கு தலைமை நீதிபதி பரிந்துரைக்க இருப்பதாக தகவல்
  • BREAKING-NEWS புதுச்சேரி அரசின் அன்றாட நடவடிக்கைகளில் கிரண்பேடி தலையிட கூடாது என்ற உத்தரவு தொடரும்; தனி நீதிபதி உத்தரவுக்கு எதிரான மத்திய உள்துறை அமைச்சகத்தின் மேல்முறையீடு வழக்கில் சென்னை உயர்நீதிமன்றம் உத்தரவு
  • BREAKING-NEWS இன்று முதல் தண்ணீர் லாரி உரிமையாளர்கள் தமிழகம் முழுவதும் வேலைநிறுத்தம்
  • BREAKING-NEWS ரியோ பராலிம்பிக் போட்டியில் வெள்ளி வென்ற தீபா மாலிக் உள்ளிட்ட இருவருக்கு கேல் ரத்னா விருது அறிவிப்பு. ரவீந்திர ஜடேஜா உள்ளிட்ட 17 பேர் அர்ஜூனா விருதுக்கு தேர்வு

காங்., திரிணாமுல் கட்சிகளின் 107 எம்.எல்.ஏக்கள் பாஜகவில் இணையவுள்ளார்கள் - முகுல் ராய்

mukul-roy-claims-107-west-bengal-mlas-from-cpm-congress-and-tmc-will-join-bjp

மேற்கு வங்கத்தில் காங்கிரஸ், திரிணாமுல், மார்க்சிஸ்ட் கம்யூனிஸ்ட் கட்சிகளைச் சேர்ந்த 107 எம்.எல்.ஏக்கள் பாஜகவில் இணையவுள்ளதாக அம்மாநில பாஜக மூத்த தலைவர் முகுல் ராய் தெரிவித்துள்ளார். 

மேற்கு வங்கத்தில் 2019ஆம் ஆண்டு மக்களவைத் தேர்தலில் பாஜக 18 இடங்களில் வெற்றிப் பெற்றது. அத்துடன் பாஜக தனது வாக்கு வங்கியையும் அம்மாநிலத்தில் அதிகரித்தது. இதனைத் தொடர்ந்து கடந்த மாதம் திரிணாமுல் காங்கிரஸ் கட்சியின் இரண்டு எம்.எல்.ஏக்கள் பாஜகவில் இணைந்தனர். அதன்பிறகு கடந்த மாதம் 28ஆம் தேதி முகுல் ராயின் மகன் மற்றும் 60 கவுன்சிலர்கள் உள்ளிட்டவர்கள் திரிணாமுல் காங்கிரஸ் கட்சியிலிருந்து பாஜகவில் இணைந்தனர். 

இந்நிலையில் இன்னும் 107 எம்.எல்.ஏக்கள் பாஜகவில் இணையவுள்ளதாக பாஜகவின் மூத்த தலைவர் முகுல் ராய் தெரிவித்துள்ளார். இதுதொடர்பாக அவர், “மார்க்சிஸ்ட் கம்யூனிஸ்ட், காங்கிரஸ் மற்றும் திரிணாமுல் காங்கிரஸ் உள்ளிட்ட கட்சிகளை சேர்ந்த 107 எம்.எல்.ஏக்கள் விரைவில் எங்கள் கட்சியில் இணைகிறார்கள். அவர்களின் பட்டியலை நாங்கள் தயாரித்து வருகிறோம்” எனத் தெரிவித்துள்ளார். 

முன்னதாக திரிணாமுல் காங்கிரஸ் கட்சியின் தலைவரும் மேற்கு வங்க முதல்வருமான மம்தா பானர்ஜியிடம் ஏற்பட்ட கருத்து வேறுபாட்டால் முகுல் ராய் 2017ஆம் ஆண்டு திரிணாமுல் கட்சியிலிருந்து வெளியேறினார். அதன்பின்னர் அவர் பாஜகவில் இணைந்தது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close