[X] Close
JUST IN
  • BREAKING-NEWS சியாச்சினில் கண்காணிப்பு கோபுரத்தில் இருந்து தவறி விழுந்து தமிழகத்தை சேர்ந்த ராணுவ வீரர் பால்பாண்டி உயிரிழப்பு
  • BREAKING-NEWS ஒட்டப்பிடாரம், திருப்பரங்குன்றம், சூலூர் சட்டப்பேரவை தொகுதிகளுக்கு தேர்தல் நடத்த தயார் - சத்யபிரதா சாஹூ
  • BREAKING-NEWS நூறு நாள் வேலைதிட்டத்தை 200 நாட்களாக உயர்த்த நடவடிக்கை எடுக்கப்படும் - அதிமுக கூட்டணியில் போட்டியிடும் புதிய நீதி கட்சி தலைவர் ஏ.சி.சண்முகத்திற்கு ஆதரவாக முதல்வர் பழனிசாமி பரப்புரை
  • BREAKING-NEWS மணல் கடத்தலுக்கு உதவிய எத்தனை அதிகாரிகள் மீது குண்டாஸ் போடப்பட்டுள்ளது? - உயர்நீதிமன்ற கிளை
  • BREAKING-NEWS திருச்சியில் வரும் 25ல் வேட்புமனு தாக்கல் செய்ய உள்ளேன்; தேர்தல் பரப்புரைக்காக ராகுல் காந்தி விரைவில் தமிழகம் வருவார் - திருநாவுக்கரசர்
  • BREAKING-NEWS லோக்பால் அமைப்பின் முதல் தலைவராக முன்னாள் உச்சநீதிமன்ற நீதிபதி பினாகி சந்திரகோஷ் பதவியேற்றார்
  • BREAKING-NEWS தேமுதிக பொருளாளர் பிரேமலதா விஜயகாந்த் 27ம் தேதி முதல் தேர்தல் பரப்புரையை தொடங்குகிறார்

தேமுதிகவுடன் இன்று மாலை அதிமுக பேச்சுவார்த்தை ?

admk-to-talk-with-dmdk-today-evening

தேமுதிகவுடன் அதிமுக சார்பில் இன்று மாலை கூட்டணி பேச்சுவார்த்தை நடத்த வாய்ப்பிருப்பதாக தகவல் வெளியாகி உள்ளது.

மக்களவைத் தேர்தல் நெருங்கி வரும் வேளையில் கூட்டணி பேச்சுவார்த்தையில் அதிமுக தீவிரம் காட்டி வருகிறது. அதிமுக கூட்டணியில் பாமகவிற்கு 7 தொகுதிகளும், பாஜகவிற்கு 5 இடங்களும் ஒதுக்கப்பட்டுள்ளன. இதனிடையே பாஜகவின் தமிழக தேர்தல் பொறுப்பாளரான பியூஷ் கோயல், நேற்று தேமுதிக தலைவர் விஜயகாந்தை சென்னையில் அவரது இல்லத்தில் சந்தித்து பேசினார். அவருடன் பாஜக மாநிலத் தலைவர் தமிழிசை சவுந்தரராஜன், மத்திய இணையமைச்சர் பொன்.ராதாகிருஷ்ணன் உள்ளிட்டோர் உடனிருந்தனர். விஜயகாந்துடன் தேமுதிக நிர்வாகிகள் பிரேமலதா மற்றும் சுதீஷ் ஆகியோர் உடனிருந்தனர்.

சந்திப்புக்கு பின் செய்தியாளர்களிடம் பேசிய பியூஷ் கோயல்,  “சிகிச்சைப்பிறகு விஜயகாந்த் உடல்நலம் தேறி வருகிறார். நீண்ட உடல் நலம், ஆயுளோடு அவர் இருக்க பிரார்த்திக்கின்றோம். விஜயகாந்த் எனது பழைய நண்பர். பிரதமர் மோடி, பாஜக தலைவர் அமித்ஷா சார்பில் விஜயகாந்தின் உடல்நலம் குறித்து விசாரித்தேன். அவருக்கு வாழ்த்துகளை கூறுமாறு மோடியும், அமித் ஷாவும் கூறினர். திரைத்துறைக்கு ஆதரவளிக்கும் மத்திய அரசு மற்றும் மோடியின் நடவடிக்கைகளை விஜயகாந்த் பாராட்டினார். கூட்டணி அரசியல் மட்டுமே முக்கியமல்ல. தனிப்பட்ட நட்பும் முக்கியம்” என்றார். இதனிடையே அதிமுக- தேமுதிக உடனான கூட்டணி பேச்சுவார்த்தையில் இழுபறி ஏற்பட்ட காரணத்தினால் தான் கூட்டணி குறித்த அதிகாரப்பூர்வ அறிவிப்பு வெளியாகவில்லை என்று சொல்லப்பட்டது.

இந்நிலையில் தேமுதிகவுடன் அதிமுக சார்பில் இன்று மாலை கூட்டணி பேச்சுவார்த்தை நடத்த வாய்ப்பிருப்பதாக தகவல் வெளியாகி உள்ளது. கேட்ட தொகுதிகளை தர அதிமுக தரப்பு இதுவரை முன்வராததால் தேமுதிக அதிருப்தியில் இருப்பதாக கூறப்படுகிறது. பாஜகவை விட அதிகமாகவும், பாமகவுக்கு குறையாமலும் தொகுதிகளை பெற தேமுதிக திட்டமிட்டுள்ளதாகவும் சொல்லப்படுகிறது. இந்நிலையில் மீண்டும் தேமுதிகவுடன் கூட்டணி பேச்சுவார்த்தை நடத்த அதிமுக முயற்சித்துள்ளதாக தகவல் வெளியாகி உள்ளது. அதிமுக சார்பில் அமைச்சர் தங்கமணி இந்த பேச்சுவார்த்தையில் ஈடுபட உள்ளதாகவும் கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close