[X] Close
JUST IN
  • BREAKING-NEWS மத்திய மாநில ஆட்சியில் சட்டம்-ஒழுங்கை நிலைநாட்டும் பொறுப்பில் இருப்போர் முகிலனை மீட்க வேண்டும் - மு.க.ஸ்டாலின்
  • BREAKING-NEWS 21 தொகுதி இடைத்தேர்தலில் திமுக சார்பில் போட்டியிட விருப்பம் உள்ளவர்கள் விருப்ப மனு அளிக்கலாம் - திமுக பொதுச்செயலாளர் க.அன்பழகன்
  • BREAKING-NEWS மக்களவை தேர்தலை முன்னிட்டு திமுக சார்பில் 25ம் தேதி முதல் அண்ணா அறிவாலயத்தில் விருப்ப மனு விநியோகம் - திமுக பொதுச்செயலாளர் க.அன்பழகன்
  • BREAKING-NEWS திண்டிவனம் அருகே நிகழ்ந்த சாலை விபத்தில் விழுப்புரம் அதிமுக எம்.பி. ராஜேந்திரன் (வயது 62) உயிரிழப்பு
  • BREAKING-NEWS சென்னையில் பெட்ரோல் லிட்டருக்கு ரூ. 74.08 காசுகளாகவும், டீசல் லிட்டருக்கு ரூ. 70.32 காசுகளாகவும் விலை நிர்ணயம்

“எதிர்க்கட்சிகளை பார்த்து மோடி அஞ்சுகிறார்” - ஸ்டாலின்

mk-stalin-speech-at-kolkata

நாட்டிலிருந்து மதவாதத்தை விரட்ட 2-வது சுதந்தரப் போராட்டம் தொடங்கியுள்ளதாக கொல்கத்தாவில் நடைபெற்ற கூட்டத்தில் மு.க.ஸ்டாலின் தெரிவித்தார்.

ஒருங்கிணைந்த இந்தியா என்ற‌ பெயரில் எதிர்க்கட்சிகள் பங்குகொள்ளும் பொதுக்கூட்டம் கொல்கத்தாவில் நடைபெற்று வருகிறது. மேற்கு வங்க முதலமைச்சர் மம்தா பானர்ஜி எதிர்க்கட்சிகளை ஒருங்கிணைத்து அதற்குத் தலைமை தாங்கும் முயற்சியில் இறங்கியுள்ளார். இதில் சுமார் 20-க்கும் ‌அதிகமான எதிர்க்கட்சிகளின் தலைவர்கள் கலந்துகொண்டுள்ளனர். இதில் திமுக தலைவர் மு.க.ஸ்டாலின் கலந்துகொண்டு பேசினார். அவர் பேசும்போது, நாட்டிலிருந்து மதவாதத்தை விரட்ட 2-வது சுதந்தரப் போராட்டம் தொடங்கியுள்ளதாக கூறினார்.

மேலும் பேசிய அவர், “இந்தியாவின் 2-வது சுதந்திரப் போராட்டத்தில் பங்கேற்க மம்தா பானர்ஜி அழைப்பின் பேரில் இங்கு வந்துள்ளேன். வரும் மே மாதம் நடைபெற உள்ள தேர்தலைத்தான் நான் 2-வது சுதந்திரப் போர் எனக் குறிப்பிடுகிறேன். பாஜகவிடம் இருந்து நாட்டை மீட்பதுதான் 2-வது சுதந்திரப் போராட்டம். வேற்றுமையில் ஒற்றுமை என்பதுபோல் நாம் வேறு மாநிலங்களாக இருந்தாலும் ஒற்றுமையுடன் போராடி பாஜகவை வீழ்த்த வேண்டும். எதிரிகேள இல்லை எனக் கூறிய பிரதமர் மோடி, எதிர்க்கட்சிகளை பார்த்து இப்போது பயப்படுகிறார்.

ஒற்றுமையாக இருந்தால் வெற்றி நமக்கும், தோல்வி பிரதமர் நரேந்திர மோடிக்கும் நிச்சயம் கிடைக்கும். எதிர்க்கட்சிகள் ஒன்று சேர்ந்திருப்பதால் பிரதமர் நரேந்திர மோடிக்கு பயம் வந்துவிட்டது. ஆட்சிக்கு வந்தால் நாட்டில் தேனாறும் பாலாறும் ஓடும் என்று வாக்குறுதி கொடுத்துதான் ஆட்சியமைத்தார் பிரதமர் மோடி. 100 மேடைகளில் 1,000 பொய்களை சொல்லி ஆட்சிக்கு வந்த பிரதமர் மோடி, கருப்பு பணத்தை மீட்டு ஒவ்வொருவர் வங்கிக் கணக்கிலும் ரூ.15 லட்சம் போடுவேன் என்றும் கூறினார். ஆனால் அது நடக்கவில்லை.” என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close