[X] Close
JUST IN
  • BREAKING-NEWS ஆர்.கே.நகரில் பணப்பட்டுவாடாவை தடுக்கக்கோரி தலைமைத் தேர்தல் அதிகாரி ராஜேஷ் லக்கானியிடம் திமுகவினர் புகார் மனு
  • BREAKING-NEWS ஆர்.கே.நகர் தேர்தலை நிறுத்த சதி நடைபெறுகிறது: திருமாவளவன்
  • BREAKING-NEWS ஆர்.கே.நகர் மக்கள் டிடிவி தினகரனை வீட்டிற்கு அனுப்ப வேண்டும்: முதலமைச்சர் பழனிசாமி
  • BREAKING-NEWS நாகையில் போராட்டம் நடத்த வந்த ஹெச்.ராஜாவை வஞ்சியூரில் காவல்துறையினர் தடுத்து நிறுத்தி கைது செய்தனர்
  • BREAKING-NEWS பணப்பட்டுவாடா செய்தால் தேர்தலை ரத்து செய்வது என்பதை ஏற்றுக்கொள்ள முடியாது: திருமாவளவன்
  • BREAKING-NEWS ஆர்.கே.நகர் தொகுதிக்குட்பட்ட கொருக்குப்பேட்டையில் உள்ள பிசியோதெரபி கிளினிக்கில் கணக்கில் வராத ரூ.13 லட்சம் பறிமுதல்
  • BREAKING-NEWS இருண்டு கிடக்கும் தமிழகத்திற்கு இடைத்தேர்தல் முடிவு வெளிச்சத்தை பாய்ச்சட்டும்- ஸ்டாலின்
  • BREAKING-NEWS வரும் 19 ஆம் தேதி கன்னியாகுமரி மற்றும் திருவனந்தபுரத்திற்கு பிரதமர் வர உள்ளதாக தகவல்
  • BREAKING-NEWS ஆபத்தான நிலையில் தான் ஜெயலலிதாவை அப்போலோ மருத்துவமனைக்கு கொண்டு வந்தனர்- பிரதாப் ரெட்டி
  • BREAKING-NEWS காங்கிரஸ் கட்சியின் தலைவராக முறைப்படி பொறுப்பேற்றுக் கொண்டார் ராகுல் காந்தி
  • BREAKING-NEWS ஆளுநரின் ஆய்வு அவரது அதிகாரத்துக்கு உட்பட்டது
  • BREAKING-NEWS தூத்துக்குடி அருகே கடலில் நாட்டுப்படகு பழுதாகி மூழ்கியதில் மீனவர் கென்னடி உயிரிழப்பு
  • BREAKING-NEWS நீர்மட்டம் குறைந்ததால் வைகை அணையில் இருந்து பாசனத்துக்கு நீர் திறக்கப்படுவது நிறுத்தப்பட்டது
  • BREAKING-NEWS பெரியகுளம் அருகே கும்பக்கரை அருவியில் நீர்வரத்து சீராகாததால் 16வது நாளாக குளிக்க தடை விதிப்பு
அரசியல் 30 Nov, 2017 11:49 AM

ஆர்.கே.நகர் இடைத்தேர்தல்: அதிமுக வேட்பாளராக மதுசூதனன் அறிவிப்பு

aiadmk-announced-madhusudhanan-as-rk-nagar-by-election

ஆர்.கே.நகர் இடைத்தேர்தலில் போட்டியிடும் அதிமுக வேட்பாளராக அக்கட்சியின் அவைத் தலைவர் மதுசூதனன் அறிவிக்கப்பட்டுள்ளார்.

அதிமுகவின் ஆட்சிமன்றக் குழு கூட்டம், ராயப்பேட்டையில் உள்ள அக்கட்சியின் தலைமை அலுவலகத்தில் இன்று காலை 10 மணிக்கு தொடங்கியது. இதில், முதலமைச்சர், துணை முதலமைச்சர், வைத்திலிங்கம் எம்.பி., அமைச்சர்கள் ஜெயக்குமார், செல்லூர் ராஜூ, வேலுமணி மற்றும் மதுசூதனன் உள்ளிட்டோர் பங்கேற்றனர்.

ஆர்.கே.நகரில் போட்டியிடும் அதிமுக வேட்பாளரை தேர்வு செய்வது குறித்து இந்தக் கூட்டத்தில் விவாதிக்கப்பட்டது. அதிமுக சார்பில் 27 பேர் விருப்ப மனு தாக்கல் செய்திருந்தனர். இதில் மதுசூதனன், பாலகங்கா, கோகுல இந்திரா ஆகியோர் இடையே கடும் போட்டி நிலவுவதாக கருதப்பட்டது. இறுதியில் மதுசூதனனை வேட்பாளராக நிறுத்துவது என முடிவு செய்யப்பட்டது.

திமுக வேட்பாளராக மருது கணேஷ் அறிவிக்கப்பட்டார். டிடிவி தினகரனும் போட்டியிடுவதாக அறிவித்துள்ளார். இதனால் அதிமுகவின் வேட்பாளர் அறிவிப்பு உட்கட்சி குழப்பத்தால் தாமதமாவதாக கூறப்பட்டது. இந்த நிலையில், மதுசூதனன் வேட்பாளராக அறிவிக்கப்பட்டுள்ளார். இதனால், கட்சியில் நிலவிய குழப்பங்களுக்கு முற்றுப்புள்ளி வைத்துள்ளதாக கருதப்படுகிறது.

கடந்த ஏப்ரல் 14 ஆம் தேதி ஆர்.கே.நகர் தேர்தல் அறிவிக்கப்பட்டபோது, அதிமுக இரண்டாக பிளவுபட்டிருந்தது. அப்போது சசிகலா தலைமையிலான அதிமுக அம்மா அணியின் சார்பாக டிடிவி தினகரனும், ஓபிஎஸ் தலைமையிலான அதிமுக புரட்சி தலைவி அம்மா அணியின் சார்பாக மதுசூதனனும் போட்டியிட்டனர். அதனால் தினகரனுக்கு போட்டியாக மதுசூதனனையே அதிமுக வேட்பாளராக அக்கட்சியின் ஆட்சிமன்றக் குழு முடிவு செய்துள்ளதாக தெரிகிறது. இதனையடுத்து, திமுக வேட்பாளர் மருது கணேஷ், டிடிவி தினகரன், அதிமுக வேட்பாளர் மதுசூதனன் ஆகியோரிடையே மும்முனை போட்டி ஏற்பட்டுள்ளது.

        

அதிமுக உயர்மட்ட ஆலோசனைக் குழு கூட்டம் கடந்த செப்டம்பர் 27-ம் தேதி நடைபெற்றது. இந்த கூட்டத்தில் அதிமுகவின் ஆட்சிமன்றக் குழு மாற்றி அமைக்கப்பட்டது. ஆட்சிமன்றக் குழுவில் முதலமைச்சர் பழனிசாமி, வைத்திலிங்கம், கே.பி.முனுசாமி, பா.வளர்மதி ஆகியோரை சேர்ப்பது என்று முடிவு செய்யப்பட்டது. ஏற்கனவே ஆட்சிமன்றக் குழுவில் ஓ.பன்னீர்செல்வம், மதுசூதனன், ஜஸ்டின் செல்வராஜ், தமிழ்மகன் உசேன், பி.வேணுகோபால் ஆகியோர் உள்ளனர். மொத்தம் 9 பேர் கொண்ட புதிய ஆட்சி மன்றக் குழு அறிவிக்கப்பட்டது.

ஆர்.கே.நகர் தேர்தலில் வேட்பாளரை தேர்வு செய்யும் அதிகாரம் இந்த ஆட்சிமன்றக் குழுவுக்கு உள்ளது என்று தெரிவிக்கப்பட்டது. நவம்பர் 29-ம் தேதி ஆட்சிமன்றக் குழு ஒன்று கூடி வேட்பாளரை அறிவிக்கும் என்றும் தெரிவிக்கப்பட்டது. நேற்று நடைபெறுவதாக இருந்த ஆட்சிமன்றக் குழு கூட்டம் தஞ்சை எம்.ஜி.ஆர் நூற்றாண்டு விழா கூட்டத்தால் ஒத்திவைக்கப்பட்டது. இதனையடுத்து, இன்று ஆட்சிமன்றக் குழு கூட்டம் நடைபெற்றது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close