சசிகலாவுக்கு பரப்பன அக்ரஹாரா சிறை வழங்கிய 5 நாள் பரோல், இன்றுடன் முடிவடைகிறது.

சொத்து குவிப்பு வழக்கில் தண்டனை பெற்று கடந்த பிப்ரவரி 15-ம் தேதி முதல் பரப்பன அக்ரஹாரா சிறையிலிருந்த சசிகலா, தனது கணவர் நடராஜனின் உடல் நிலையை காரணம் காட்டி பரோல் கேட்டிருந்தார். அவருக்கு சிறைத்துறை, கடந்த 7-ம் தேதி முதல் 11-ம் தேதி வரை பரோல் வழங்கியிருந்தது. இதையடுத்து கடந்த 6-ம் தேதி மாலையில் சிறையிலிருந்து வெளியே வந்த சசிகலா, சென்னை தியாகராய நகரில் உள்ள உறவினர் இல்லத்தில் தங்கி, மருத்துவமனையில் அனுமதிக்கப்பட்டுள்ள தனது கணவரை சந்தித்து வருகிறார். அவருக்கு சிறைத்துறை வழங்கிய பரோல் அவகாசம் இன்றோடு முடிவடைகிறது.

சசிகலா 12-ம் தேதி மாலை 6 மணிக்குள் பரப்பன அக்ரஹாரா சிறையில் இருக்க வேண்டுமென ஏற்கெனவே சிறைத்துறை தனது பரோல் உத்தரவில் குறிப்பிட்டுள்ளது.