[X] Close
JUST IN
  • BREAKING-NEWS தூத்துக்குடி, நெல்லை, கன்னியாகுமரி மாவட்டங்களில் இணையதள சேவை துண்டிக்கப்பட்டது
  • BREAKING-NEWS தூத்துக்குடி துப்பாக்கிச்சூடு சம்பவத்தை தொடர்ந்து மாவட்ட ஆட்சியர், காவல் கண்காணிப்பாளர் பணியிட மாற்றம்
  • BREAKING-NEWS ஆளுநர் பன்வாரிலால் புரோஹித்தை இன்று இரவு 9 மணிக்கு சந்திக்கிறார் முதலமைச்சர் பழனிசாமி
  • BREAKING-NEWS தூத்துக்குடி, நெல்லை, கன்னியாகுமரி மாவட்டங்களில் இணையதள சேவை 5 நாட்களுக்கு முடக்கம் - தமிழக உள்துறை
  • BREAKING-NEWS தூத்துக்குடியில் காவல்துறையினர் - ஆர்ப்பாட்டக்காரர்கள் இடையே ஏற்பட்ட மோதலின்போது காவல்துறையினர் நடத்திய துப்பாக்கிச்சூட்டில் காளியப்பன் (22) என்பவர் உயிரிழப்பு
  • BREAKING-NEWS தூத்துக்குடியில் 144 தடை உத்தரவை மீறியதாக கமல்ஹாசன் மீது வழக்குப்பதிவு
  • BREAKING-NEWS தூத்துக்குடி துப்பாக்கிச்சூடு சம்பவத்தை கண்டித்து புதுச்சேரியில் பயணிகள் ரயிலை மறித்து போராட்டம்

நடவடிக்கையில்லை என்றால் மக்கள் மன்றம், நீதிமன்றத்தை நாடுவோம்: ஸ்டாலின் பேட்டி

if-people-do-not-have-a-forum-we-will-seek-court-stalin-interview

எடப்பாடி பழனிசாமி பெரும்பான்மை நிரூபிப்பது தொடர்பாக ஆளுநர் நடவடிக்கை எடுக்காவிட்டால் மக்கள் மன்றத்தையும், நீதிமன்றத்தையும் நாடுவோம் என்று சட்டப்பேரவை எதிர்க்கட்சி தலைவர் ஸ்டாலின் தெரிவித்துள்ளார்.

முதலமைச்சர் எடப்பாடி பழனிசாமிக்கு அளித்து வந்த ஆதரவை திரும்பப் பெறுவதாக அதிமுக எம்எல்ஏக்கள் 19 பேர் கடிதம் கொடு்த்திருந்தனர். அதன்பிறகு திமுக எதிர்க்கட்சி துணைத் தலைவர் துரைமுருகன் தலைமையில், ஆளுநர் வித்யாசாகர் ராவைச் சந்தித்த திமுக எம்எல்ஏக்கள், நம்பிக்கை வாக்கெடுப்பு நடத்தி, முதலமைச்சர் பெரும்பான்மையை நிரூபிக்க உத்தரவிட வேண்டுமென வலியுறுத்தியிருந்தனர். 

இதனிடையே, தினகரன் ஆதரவு எம்.எல்.ஏ. ஜக்கையன் திடீரென எடப்பாடி பழனிச்சாமி அணிக்கு தாவினார். அதேநாளில், கருணாஸ், ரத்தின சபாபதி மற்றும் கலைச்செல்வன் ஆகியோர் முதல்வருக்கான ஆதாரவை வாபஸ் பெறுவதாக ஆளுநரிடம் கடிதம் கொடுத்தனர். இதனால், தினகரன் ஆதரவு எம்.எல்.ஏ.க்களின் எண்ணிக்கை 21 ஆக உயர்ந்தது. 

இந்த நிலையில், எதிர்க்கட்சித் தலைவர் மு.க.ஸ்டாலின் தலைமையில் திமுக மற்றும் கூட்டணி கட்சிகளான காங்கிரஸ்,   இந்திய யூனியன் முஸ்லீம் லீக் கட்சிகளை சேர்ந்த எம்.எல்.ஏ.க்கள் இன்று மீண்டும் ஆளுநரைச் சந்தித்தனர். 

இந்த சந்திப்பின் போது, எடப்பாடி பழனிசாமி பெரும்பான்மையை நிரூபிக்க உத்தரவிடக் கோரி கடிதம் அளித்தனர்.

ஆளுநரை சந்தித்த பின்னர் செய்தியாளர்களிடம் பேசிய ஸ்டாலின், “சமீபத்தில் தனது ஆதரவு எம்.எல்.ஏ.க்களின் பலத்தை கூட்டுவதற்கு எடப்பாடி தரப்பினர் கூட்டம் நடத்தினர். இந்த கூட்டத்தில் 109 எம்.எல்.ஏ.க்கள் மட்டுமே கலந்து கொண்டதாக ஊடகங்களில் செய்திகள் வெளியானது. 

தினகரன் ஆதரவு எம்.எல்.ஏ.க்கள் 21 பேர் வெளிப்படையாக முதலமைச்சர் எடப்பாடி பழனிச்சாமிக்கான ஆதரவை வாபஸ் பெற்றுள்ளனர். திமுக மற்றும் கூட்டணி கட்சிகளின் எம்.எல்.ஏ.க்கள் மொத்தம் 98 பேர் உள்ளனர். இதனால் எடப்பாடி பழனிசாமிக்கான எதிர்ப்பு எம்.எல்.ஏ.க்களின் எண்ணிக்கை தினகரன் ஆதரவு எம்.எல்.ஏ.க்களை சேர்ந்து 119 ஆக உள்ளது. அப்படியென்றால் எடப்பாடிக்கு ஆதரவாக 114 எம்.எல்.ஏ.க்கள் மட்டுமே உள்ளனர். 

இதனால், நம்பிக்கையை இழந்துவிட்ட எடப்பாடி பழனிச்சாமி தனது பெரும்பான்மையை நிரூபிக்க ஆளுநர் உத்தரவிட வேண்டும். ஆளுநரை சந்தித்து வலியுறுத்துவது இதுவே கடைசி முறையாக இருக்கும். பேரவையைக் கூட்டி பெரும்பான்மையை நிரூபிக்க ஒரு வார காலத்திற்குள் நடவடிக்கை எடுக்குமாறு, ஆளுநரிடம் வலியுறுத்தியுள்ளோம். ஒரு வாரத்தில் நடவடிக்கை எடுக்காவிட்டால் நீதிமன்றத்தையும், மக்கள் மன்றத்தையும் நாடுவோம்” என்றார். 

வீடியோ

Advertisement:
Advertisement:
Advertisement:
[X] Close