[X] Close
JUST IN
  • BREAKING-NEWS இலங்கை குண்டு வெடிப்பில் பலியானவர்களின் எண்ணிக்கை 140 ஆக உயர்வு
  • BREAKING-NEWS மதுரையில் வாக்குப்பதிவு இயந்திரம் உள்ள அறைக்குள் நுழைந்த பெண் வட்டாட்சியர் சம்பூர்ணம் சஸ்பெண்ட்
  • BREAKING-NEWS பொறியியல் படிப்பிற்கான கலந்தாய்வு அட்டவணை வெளியீடு; பொதுப்பிரிவினருக்கான கலந்தாய்வு ஜூலை 3ம் தேதி தொடங்குகிறது
  • BREAKING-NEWS பாப்பிரெட்டிப்பட்டி சட்டமன்றத் தொகுதிக்குட்பட்ட 8 வாக்குச்சாவடிகளில் மறுவாக்குப்பதிவு நடத்த தேர்தல் ஆணையத்துக்கு தலைமைத் தேர்தல் அதிகாரி சத்யபிரதா சாஹூ பரிந்துரை
  • BREAKING-NEWS திருச்சி அருகே கோயில் திருவிழா கூட்ட நெரிசலில் சிக்கி 7 பேர் பலி

பாஜக வேட்பாளர்கள் பட்டியல் வெளியீடு - வாரணாசியில் மோடி போட்டி

bjp-release-candidate-list-tamilisai-against-kanimozhi

மக்களவைத் தேர்தலில் போட்டியிடும் 182 பேர் கொண்ட முதற்கட்ட பாஜக வேட்பாளர்கள் பட்டியல் வெளியிடப்பட்டுள்ளது.

நாடாளுமன்றத் தேர்தலில் போட்டியிட இருக்கும் பாஜக வேட்பாளர்கள் பட்டியலை டெல்லியில் மத்திய அமைச்சர் ஜெ.பி.நட்டா இன்று வெளியிட்டார். உத்திரப்பிரதேச மாநிலம் வாரணாசியில் மோடியும் குஜராத் மாநிலம் காந்திநகரில் அமித்ஷாவும் போட்டியிடுகின்றனர். வழக்கமாக காந்திநகர் தொகுதியில் பாஜக மூத்த தலைவர் அத்வானிதான் போட்டியிடுவார். ஆனால் இந்த முறை அத்வானிக்கு சீட்டு ஒதுக்கப்படவில்லை. உத்திரப்பிரதேச மாநிலம் லக்னோவில் ராஜ்நாத் சிங் போட்டியிடுகிறார். 

அமேதி தொகுதியில் காங்கிரஸ் தலைவர் ராகுல் காந்தியை எதிர்த்து ஸ்மிருதி ராணி போட்டியிடுகிறார். மகாராஷ்டிரா மாநிலம் நாக்பூர் தொகுதியில் நிதின்கட்கரியும், காசியாபாத் தொகுதியில் வி.கே.சிங்கும் போட்டியிடுகின்றனர். மதுரா தொகுதியில் ஹேமமாலினியும், ரேபரேலி தொகுதியில் சந்தோஷ்குமார் கங்குவாரும், உன்னாவ் தொகுதியில் சாக்‌ஷி மகாராஜும் போட்டியிடுகின்றனர். 

தமிழகத்தை பொருத்தவரை தூத்துக்குடி தொகுதியில் திமுக சார்பில் போட்டியிடும் கனிமொழியை எதிர்த்து தமிழிசை சவுந்திரராஜன் போட்டியிடுகிறார்.

கன்னியாகுமரி மக்களவைத் தொகுதியில் மீண்டும் பாஜக சார்பில் பொன்.ராதாகிருஷ்ணன் போட்டியிடுகிறார். சிவகங்கை தொகுதியில் தேசிய செயலாளர் ஹெச்.ராஜா போட்டியிடுகிறார். கோவையில் சி.பி ராதாகிருஷ்ணன், மற்றும் ராமநாதபுரத்தில் நயினார் நாகேந்திரன் ஆகியோர் போட்டியிடுகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close