[X] Close
JUST IN
  • BREAKING-NEWS தமிழகத்தின் 33-வது மாவட்டமாக உதயமானது தென்காசி
  • BREAKING-NEWS தமிழ்நாட்டில் விரைவில் உள்ளாட்சித் தேர்தல்: முதலமைச்சர் எடப்பாடி பழனிசாமி
  • BREAKING-NEWS தமிழகத்தில் 2 நாட்கள் மழைக்கு வாய்ப்பு: சென்னை வானிலை ஆய்வு மையம் தகவல்
  • BREAKING-NEWS குழந்தைகளை கடத்தி வைத்த புகாரில் நித்தியானந்தா மீது கிரிமினல் வழக்குப்பதிவு
  • BREAKING-NEWS 2021-ஆம் ஆண்டு தேர்தலில் தமிழக மக்கள் அதிசயம் நிகழ்த்துவார்கள்: ரஜினிகாந்த்

“நாட்டின் வடகிழக்கு முன்னேறினால்தான் நாடு முன்னேறும்” - மோடி பேச்சு

previous-govt-neglected-arunachal-says-modi-in-itanagar

அருணாச்சல பிரதேசத்தை முந்தைய அரசு புறக்கணித்து வந்ததாக பிரதமர் மோடி தெரிவித்துள்ளார்.

நாடாளுமன்றத் தேர்தல் நெருங்குவதை அடுத்து பிரதமர் மோடி இந்தியா முழுவதிலும் சுற்றுப்பயணம் மேற்கொண்டு வருகிறார். அதன்படி இரண்டு நாட்கள் பயணமாக வடகிழக்கு பகுதிகளுக்கு பிரதமர் சுற்றுப்பயணம் மேற்கொண்டுள்ளார். இந்த இரண்டு நாட்களில் அசாம், திரிபுரா, அருணாச்சல பிரதேசங்களில் பிரச்சாரங்களில் ஈடுபட உள்ளார். மேலும் சில திட்டங்களையும் இப்பகுதியில் பிரதமர் மோடி தொடங்கிவைக்க உள்ளார். 

இன்று அருணாச்சல பிரதேசத்தில் பிரச்சாரத்தில் ஈடுபட்டு வரும் பிரதமர் மோடி சில திட்டங்களையும் தொடங்கி வைத்தார். பின்னர் அங்கு அமைக்கப்பட்ட பிரம்மாண்ட மேடையில் பேசிய பிரதமர் மோடி, அருணாச்சல் சூரிய உதயத்தின் நிலம். இவ்விடம் நமக்கு உறுதியை கொடுக்கிறது என்று தெரிவித்தார். 

மேலும் அருணாச்சல பிரதேசத்தை மேம்படுத்த மத்திய அரசு நடவடிக்கைகளை எடுத்து வருகிறது. மாநிலத்தின் போக்குவரத்து, மருத்துவத்தை மேம்படுத்த ஏதுவாக மத்திய அரசு ரூ.13 ஆயிரம் கோடி செலவில் பல நலத்திட்டங்களை வழங்க உள்ளது. அருணாச்சல பிரதேசம் தண்ணீர் தேசமாக இருக்கிறது. இது இம்மாநிலத்தின் கொடை. இந்தத் தண்ணீர் சக்தியை வைத்து மின்சாரம் தயாரிக்கலாம். ஆனால் முந்தைய அரசு அப்படி ஏதும் செய்யவில்லை. அவர்கள் இம்மாநிலத்தை புறக்கணித்தார்கள். நாட்டின் வடகிழக்கு முன்னேறினால்தான் நாடு முன்னேறும். வடகிழக்கை முன்னேற்றவே நாங்கள் பாடுபடுகிறோம். 

அருணாச்சல பிரதேசத்துக்கு பாஜக அரசு இரண்டு விமான நிலையங்களை கொடுத்துள்ளது. அது மட்டுமல்லாமல் சாலை மார்க்கமாகவும், ரயில் மார்க்கமாவும் அருணாச்சல பிரதேசத்தை இந்தியாவின் எல்லா பகுதிகளுடன் இணைத்திருக்கிறோம். இம்மாநிலம் நாட்டின் பாதுகாப்பு நுழைவு வாயிலாக உள்ளது. இதனை மேம்படுத்தவே நாங்கள் நடவடிக்கையை எடுத்து வருகிறோம் என்று தெரிவித்தார்.

சுற்றுப்பயணத்தின் ஒரு பகுதியாக பிரதமர் மோடி நாளை தமிழகம் வர உள்ளார். திருப்பூருக்கு வரும் பிரதமர் பொதுக்கூட்டத்தில் பங்கேற்று, சில நலத்திட்ட உதவிகளை வழங்க உள்ளார்.  

Advertisement:
இது தொடர்பான செய்திகள் :
Advertisement:
Advertisement:
[X] Close