[X] Close
JUST IN
  • BREAKING-NEWS தமிழகம் தனித்தன்மையுடன் விளங்குகிறது என்பதையே திமுக பெற்றுள்ள வெற்றி காட்டுகிறது - கனிமொழி
  • BREAKING-NEWS பெரம்பலூர் மக்களவை தொகுதியில் திமுக கூட்டணி வேட்பாளர் பாரிவேந்தர் 6,83,697 வாக்குகள் பெற்று வெற்றி
  • BREAKING-NEWS களத்தில் இறங்கியபோது உறுதியளித்தபடி தமிழகத்தில் திமுக கூட்டணி வெற்றி பெற்றுள்ளது; திமுகவின் வெற்றிக்கு உழைத்த தொண்டர்களுக்கு நன்றி -மு.க. ஸ்டாலின்
  • BREAKING-NEWS நாடாளுமன்ற தேர்தல் முடிவுகள் இன்று வெளிவந்துள்ளது; இரண்டு தேர்தல்களிலும் நாம் எதிர்பார்த்த பெரிய வெற்றியை பெற்று தந்துள்ள மக்களுக்கு நன்றி - ஸ்டாலின்
  • BREAKING-NEWS பிரதமர் மோடிக்கு வாழ்த்துகள்; மோடி அரசு ஜனநாயக கொள்கைகளை காக்கும் என நம்புகிறேன் - மு.க.ஸ்டாலின்
  • BREAKING-NEWS கர்நாடக எம்எல்ஏக்கள், அமைச்சர்களுடன் நாளை முதல்வர் குமாரசாமி ஆலோசனை
  • BREAKING-NEWS ஈரோடு மக்களவை தொகுதி மதிமுக வேட்பாளர் கணேச மூர்த்தி 2,10,618 வாக்குகள் வித்தியாசத்தில் வெற்றி

மேகாலயா சுரங்க விபத்து: ஏதாவது அதிசயம் நடக்காதா?

meghalaya-mine-tragedy-no-breakthrough-in-rescue-opetations

மேகாலயா சுரங்க விபத்தில் ஏதாவது அதிசயத்தைதான் நம்ப வேண்டி இருக்கிறது என்று மத்திய அரசின் சொலிசிடர் ஜெனரல் உச்சநீதிமன்றத்தில் தெரிவித்துள்ளார்.

மேகாலயாவில் கிழக்கு ஜைன்டியா மாவட்டத்தில் ஏராளமான சுரங்கங்கள் உள்ளன. கைவிடப்பட்ட சில சட்ட விரோத சுரங்கங்களும் இங்கு செயல்பட்டு வருகின்றன. இந்த மாவட்டத்தில் உள்ள சான் கிராமத்தில், கைவிடப்பட்ட சுரங்கம் ஒன்று சட்டவிரோதமாக செயல்பட்டு வந்தது. ’எலி வளை’ சுரங்கம் என்று சொல்லப்படுகிற இந்தச் சுரங்கத்துக்குள் மழை காரணமாக, அருகில் உள்ள லைத்தின் ஆற்றில் இருந்து கடந்த மாதம் 13 ஆம் தேதி தண்ணீர் புகுந்தது. இதனால் சுரங்கத்தில் வேலை செய்துகொண்டிருந்த தொழிலாளர்களில் 15 பேர், அதற்குள் சிக்கினர். அதில் 2 பேர் வெளியேறிவிட்டனர். 13 பேர் மாட்டிக்கொண்டனர்.

இதையடுத்து தேசிய பேரிடர் மீட்புப்படை, தீயணைப்பு படை, கடற்படை வீரர்கள் முகாமிட்டு அவர்களை மீட்கும் முயற்சிகளை மேற்கொண்டு வருகின்றனர். தண்ணீரை வெளியேற்ற முடியாமல் மீட்பு படையினர் தவித்து வருகின்றனர். ஒரு மாதம் ஆகியும் அவர்களின் நிலை என்னவா னது என்று தெரியவில்லை. தொடர்ந்து மீட்பு பணிகள் நடந்துவருகிறது. தண்ணீரை வெளியேற்றும் பணியில் சக்தி வாய்ந்த மோட்டார் பம்புகள் பயன்படுத்தப்பட்டு வருகின்றன. கடந்த புதன்கிழமை மாலை வரை, 28 லட்சம் லிட்டர் தண்ணீரை வெளியேற்றியுள்ளனர். இருந்தாலும் சுரங்க த்துக்குள் தண்ணீர் அளவு குறையவில்லை. 

இதுபற்றி இந்த மீட்புக் குழுவின் செய்தி தொடர்பாளர் ஆர்.சுசுங்கி கூறும்போது, ‘’கடற்படையினர் தண்ணீருக்குள் மூழ்கி, ஆறு சுரங்கத்துக்குள் தேடுதலை நடத்தினர். அதில் முன்னேற்றமில்லை. தொடர்ந்து முயன்று வருகிறோம்’’ என்றார்.

இதற்கிடையே, சுரங்கத்தில் சிக்கியோரை மீட்கும் பணிகளை விரைவுபடுத்தக் கோரி, உச்ச நீதிமன்றத்தில் தொடரப்பட்ட பொது நல வழக்கின் விசாரணை, நீதிபதிகள் ஏ.கே.சிக்ரி, அப்துல் நஸீர் முன்பு நேற்று வந்தது. 'இந்த விவகாரத்தில் எடுக்கப்பட்ட நடவடிக்கைகள் பற்றிய அறிக்கை யை நீதிமன்றத்தில் தாக்கல் செய்ய வேண்டும்' என, மாநில அரசுக்கு ஏற்கனவே உத்தரவிட்டிருந்தது. அதன்படி நேற்று அறிக்கை தாக்கல் செய்யப் பட்டது.

அதில், ’’சுரங்கம் பயங்கர ஆழத்தில் இருக்கிறது. கருநிறத்தில் தண்ணீர் இருப்பதால் உள்ளே செல்வது கஷ்டமாக இருக்கிறது. 150 அடிக்கு தண்ணீர் இருக்கிறது. பல லட்சம் லிட்டர் தண்ணீரை வெளியேற்றினாலும் ஆற்று நீர் உள்ளே வருவதால் தண்ணீர் அளவு குறைய வில்லை. கடற்படை வீரர்களால் 90 அடி ஆழம் வரை மட்டுமே செல்ல முடியும் என்பதால் மீட்பு பணியில் சிக்கல் எழுந்திருக்கிறது’’ என்று கூறப்பட்டி ருந்தது.

மத்திய அரசு சார்பில் ஆஜரான சொலிசிட்டர் ஜெனரல் துஷார் மேத்தா, ''சுரங்கத்தில் சிக்கியோரை மீட்க, அனைத்து நடவடிக்கைகளும் மேற் கொள்ளப்பட்டு வருகின்றன. இருந்தும் பயனில்லை. இந்த விவகாரத்தில் ஏதாவது அதிசயம் நடக்காதா என்று நம்புகிறோம்’’ என்றார்

இதை ஏற்றுக்கொண்ட நீதிபதிகள், மீட்பு பணிகளை துரிதப்படுத்துமாறு கேட்டுக்கொண்டனர்.

Advertisement:
இது தொடர்பான செய்திகள் :
Advertisement:
Advertisement:
[X] Close