[X] Close
JUST IN
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்
  • BREAKING-NEWS மதுரை பாலமேட்டில் ஜல்லிக்கட்டு தொடங்கியது; வாடிவாசலில் இருந்து முதலில் கோவில் காளைகள் அவிழ்த்து விடப்பட்டன
  • BREAKING-NEWS மக்களவை தேர்தலுக்காக முதல்வர் மீது பொய் பரப்புரை செய்தால் மக்கள் பாடம் புகட்டுவர்; அரசியல் காழ்ப்புணர்வால் கோடநாடு விவகாரத்தில் பொய் புகார் பரப்பப்படுகிறது - அமைச்சர் தங்கமணி

பிரியா வாரியர் கண் சிமிட்டல் வழக்கு - உச்சநீதிமன்றம் தள்ளுபடி

supreme-court-bars-priya-varrier-against-cases

பிரியா வாரியர் மீதான வழக்குகளை தள்ளுபடி செய்து உச்சநீதிமன்றம் உத்தரவிட்டது.

ஓமர் லூலூ என்பவரின் இயக்கத்தில் பிரியா வாரியர் நடித்த மலையாள திரைப்படம் ‘ஒரு அடார் லவ்’. இந்தப்படத்தின் ‘மாணிக்ய மலரே பூவி’ என்ற பாடலில் பிரியாவின் புருவ அசைவுகள் மற்றும் கண் சிமிட்டல்கள் காட்சிகள் வைரலானது. இந்தப் பாடல் நபிகள் நாயகத்தை தொடர்புபடுத்தி இஸ்லாமிய மக்களின் உணர்வுகளை புண்படுத்துவதாக, ஐதராபாத் காவல் நிலையத்தில் வழக்குத் தொடரப்பட்டது. அதே குற்றச்சாட்டின் அடிப்படையில் மகாராஷ்டிராவில் உள்ள ஜின்சி காவல்நிலையத்திலும் புகார் அளிக்கப்பட்டது. 

Read Also -> தங்க மங்கை ஸ்வப்னாவுக்கு பிரத்யேக 'ஷூ' கொடுக்கிறது ஐசிஎப்

இந்த இரண்டு வழக்குகளையும் தள்ளுபடி செய்யக்கோரி நடிகை பிரியா வாரியர் சார்பில் உச்சநீதிமன்றத்தில் மனு தாக்கல் செய்யப்பட்டது. அந்த மனுவில், தான் நடித்துள்ள பாடல் மீது தொடரப்பட்டுள்ள வழக்கு கருத்துச் சுதந்திரத்துக்கு எதிராக உள்ளதாக அவர் கூறியிருந்தார். மனுவை விசாரித்த உச்சநீதிமன்றம், பிரியா வாரியர் மீது நடவடிக்கை எடுக்க தடை விதித்தது. அத்துடன் மகாராஷ்டிரா, ஹைதராபாத் காவல்நிலையங்களில் தரப்பட்ட புகார்கள் மீதும் நடவடிக்கை கூடாது எனவும் உத்தரவிட்டது.

பின்னர் ப்ரியா வாரியரின் மனுவிற்கு எதிராக உச்சநீதிமன்றத்தில் மேலும் இரண்டு மனுக்கள் தாக்கல் செய்யப்பட்டன. இதற்கு முன் ப்ரியா வாரியர் மீது வழக்கு தொடர்ந்தவர்கள் தரப்பிலிருந்தே, இந்த மனுக்களும் தாக்கல் செய்யப்பட்டன. அந்த மனுக்களில், ப்ரியா வாரியர் நடித்துள்ள பாடலில், முற்றிலும் இஸ்லாத்தில் தடை செய்யப்பட்ட கருத்துகள் படமாக்கப்பட்டுள்ளதாக தெரிவிக்கப்பட்டிருந்தது. இஸ்லாமியர்களின் மத உணர்வையும், மனதையும் புண்படுத்தும் வகையில் அந்த பாடல் எடுக்கப்பட்டுள்ளதாகவும் கூறப்பட்டிருந்தது. எனவே ப்ரியா வாரியரின் மனு மீது குறுக்கு விசாரணை செய்ய வேண்டும் எனவும் கோரிக்கை விடுக்கப்பட்டது. 

இந்நிலையில் இதுதொடர்பான வழக்கு விசாரணை இன்று உச்சநீதிமன்றத்தில் நடைபெற்றது. விசாரணையின் முடிவில், பிரியா வாரியர் நடிப்பு யார் மனதையும் புண்படுத்தும் படி இல்லையென்று நீதிமன்றம் தெரிவித்தது. அத்துடன் யாரையும் அவமதிக்கும் வகையிலும் இல்லை என்று கூறியது. அத்துடன் பிரியா மீது தொடரப்பட்ட வழக்குகள் அனைத்தையும் ரத்து செய்து உத்தரவிட்டது. மேலும் அவர்மீது கூறப்பட்டுள்ள குற்றவியல் புகார்களையும் தள்ளுபடி செய்தது. 

Advertisement:
Advertisement:
Advertisement:
[X] Close