[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

ஆதரவற்றக் குழந்தையை வளர்ப்பதில் மதப் பிரச்னை: ஒருவருக்கு கத்திக்குத்து!

man-stabbed-16-times-for-adopting-muslim-girl

முஸ்லிம் மதத்தைச் சேர்ந்த குழந்தையை தத்து எடுத்து வளர்க்கும் ஒரே காரணத்திற்காக ஹிந்து மதத்தை சேர்ந்த ஆண் ஒருவர் 16 முறை கத்திக் குத்திற்கு ஆளாக்கப்பட்ட சம்பவம் அதிர்ச்சியை ஏற்படுத்தியுள்ளது.

ஹைதராபாத்தை சேர்ந்தவர் ரவிகாந்த். இவரின் மனைவி ஜெயஸ்ரீ. ஹிந்து மத வழக்கத்தை கடைபிடிப்பவர்கள். கடந்த 2007-ஆம் ஆண்டு ஹைதராபாத்தில் நடைபெற்ற குண்டுவெடிப்பில் சிறுமி ஒருவரின் பெற்றோர்கள் பரிதாபமாக உயிரிழந்தனர். இதனால் சிறுமி யாருமற்ற நிலைக்கு ஆளானார். இதனையடுத்து அதே 2007-ஆம் ஆண்டே அந்தச் சிறுமியை ரவிகாந்த்- ஜெயஸ்ரீ தம்பதியினர் தங்கள் குழந்தையாக தத்தெடுத்தனர். அவர்கள் வீட்டிற்கு கொண்டு வந்து வளர்த்து வந்தனர். ஆனால் இதற்கு முஸ்லிம் மற்றும் இந்து மதங்களை சேர்ந்த பலரும் தங்களது எதிர்ப்பை பதிவு செய்தனர். அது எப்படி ஹிந்து மதத்தை சேர்ந்த ஒருவர் முஸ்லிம் மதத்தை சேர்ந்த சிறுமியை தத்து எடுக்க முடியும் என கேள்வி எழுப்பினர்.

இந்நிலையில் ரவிகாந்த் 16 முறை கத்தியால் குத்தி தாக்கப்பட்டுள்ளார். முஸ்லிம் மதத்தை சேர்ந்த சிறுமியை தத்து எடுத்து வளர்த்ததற்காக மட்டுமே நடத்தப்பட்ட இந்தக் கொடூர சம்பவம் கடும் அதிர்ச்சியை ஏற்படுத்தியுள்ளது. அடையாளம் தெரியாத கும்பல் இந்தத் தாக்குதல் சம்பவத்தை நடத்தியுள்ளது. இதனையடுத்து ரவிகாந்த் மருத்துவமனையில் சிகிச்சைக்காக அனுமதிக்கப்பட்டுள்ளார். கடந்த ஜூன் மாதம் 1-ம் தேதி நடந்த இந்தச் சம்பவம் தற்போதுதான் வெளிச்சத்திற்கு வந்துள்ளது. இந்தத் தாக்குதலுக்கு பின்னர் பேசியுள்ள அந்தத் தம்பதி, “என்ன நடந்தாலும் குழந்தையை விட்டு விலக எங்களுக்கு மனமில்லை. குழந்தை இப்போது முஸ்லிம் மதத்தை பின்பற்றியே வளர்க்கப்படுகிறார். அவளை ஹிந்து மதத்திற்கு மாற நாங்கள் கட்டாயப்படுத்தவில்லை” என தெரிவித்தார்.

நாடு எவ்வளவோ முன்னேற்றம் கண்டாலும், இன்னும் மதங்களை வைத்து தாக்குதல் நடத்தும் சம்பவம் நடைபெறுவது அதிர்ச்சியளிப்பதாக சமூக ஆர்வலர்கள் தெரிவித்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close