[X] Close
JUST IN
  • BREAKING-NEWS ரூ.1,258 கோடியில் மதுரையில் எய்ம்ஸ் அமைக்க மத்திய அமைச்சரவை ஒப்புதல் அளித்தது
  • BREAKING-NEWS 2 லட்சம் ரூபாய் வரையிலான விவசாயக் கடன்கள் தள்ளுபடி - மத்திய பிரதேச முதல்வர் கமல்நாத் அறிவிப்பு
  • BREAKING-NEWS மோடிதான் இந்தியாவின் அடுத்த பிரதமராக வருவார் - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்

“பாசம் வந்தாச்சு.. எப்படி கடிக்கும்..”.. குழந்தையாகவே மாறிப்போன காட்டு குரங்கு..!

karnataka-cop-rescues-and-adopts-electrocuted-monkey-wins-hearts

கர்நாடகாவை சேர்ந்த உதவி சப்-இன்ஸ்பெக்டர் ஒருவர் தனது குழந்தையை போல் குரங்கு ஒன்றிடம் பாசத்துடன் பழகி வருகிறார்.

கர்நாடகாவை சேர்ந்த உதவி சப்-இன்ஸ்பெக்டர் யசோதா. இவர் அங்குள்ள எல்லம்மா கோயிலுக்கு ஒருநாள் சென்றிருக்கிறார். அப்போது வழிநெடுகிலும் மக்கள் கூட்டம். என்னாச்சு என மக்களை கூட்டத்தை பிளந்துகொண்டு உள்ளே சென்று யசோதா பார்த்துள்ளார். அங்கு குரங்கு ஒன்று மின்சாரம் தாக்கப்பட்டு உயிருக்குப் போராடி கிடந்துள்ளது. அத்துடன் குரங்கின் கண்களில் இருந்தும் ரத்தம் வழிந்துள்ளது. உடனே பதறிப்போன யசோதா குரங்கு பக்கத்தில் ஓடியிருக்கிறார். அக்கம்பக்கத்தில் இருந்தவர்கள் இதுவரை எந்த உதவியும் செல்லவில்லை. காப்பாற்ற சென்ற யசோதாவையும் குரங்கு கடித்து குதறிவிடும் என பயம் காட்டியிருக்கின்றனர். ஆனால் துணிந்து சென்று குரங்கை தூக்கிய யசோதா அதனை மருத்துவமனைக்கு கொண்டு சென்றிருக்கிறார். முதலில் ஆபத்தான நிலையில் இருந்த அந்தக் குரங்கிற்கு சிகிச்சை அளிக்கப்பட்டதன் காரணமாக தற்போது நலமுடன் உள்ளது.

தற்போது யசோதா வீட்டிற்குள் சுற்றிச் சுற்றி வரும் அந்தக் குரங்கு அவருக்கு நல்ல நண்பராகவும், குழந்தையாகவும் மாறிவிட்டதாக அவரே மன மகிழ்ச்சியில் பூரிக்கிறார். மேலும் குரங்கு வசிக்க வீட்டில் அதற்கேற்றாற் போல் ஒரு இடமும் அமைத்து கொடுத்துள்ள யசோதா அதனை குழந்தையாகவே நினைத்து கொஞ்சுகிறார். குரங்கும் யசோதாவிடம் பாசமாகவே பழகுகிறது. இதுதொடர்பான வீடியோ காட்சிகளும் வெளியாகி உள்ளன. யசோதாவின் பாச உணர்வை சமூக வலைத்தளவாசிகளும் புகழ்ந்து வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close