[X] Close
JUST IN
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்
  • BREAKING-NEWS மதுரை பாலமேட்டில் ஜல்லிக்கட்டு தொடங்கியது; வாடிவாசலில் இருந்து முதலில் கோவில் காளைகள் அவிழ்த்து விடப்பட்டன
  • BREAKING-NEWS மக்களவை தேர்தலுக்காக முதல்வர் மீது பொய் பரப்புரை செய்தால் மக்கள் பாடம் புகட்டுவர்; அரசியல் காழ்ப்புணர்வால் கோடநாடு விவகாரத்தில் பொய் புகார் பரப்பப்படுகிறது - அமைச்சர் தங்கமணி
  • BREAKING-NEWS கோடநாடு கொலை, கொள்ளை விவகாரத்தில் ஆளுனரிடம் ஸ்டாலின் குற்றம்சாட்டியது அரசியல் ஆதாயத்துக்காகத்தான் - கே.பி.முனுசாமி
  • BREAKING-NEWS 2 சுயேச்சை எம்எல்ஏக்கள் ஆதரவை வாபஸ் பெற்றதால் என்ன?; என் வலிமை எனக்கு தெரியும் - கர்நாடக முதல்வர் குமாரசாமி

“பசுக்களை கடத்தினால் கொல்லப்படுவீர்கள்”: பாஜக எம்.எல்.ஏ. மிரட்டல்

smuggle-slaughter-cows-you-will-be-killed-warns-rajasthan-bjp-lawmaker

பசுக்களை கடத்துபவர்கள் கொல்லப்படுவார்கள் என்று ராஜஸ்தான் மாநில பாஜக எம்.எல்.ஏ மிரட்டல் விடுத்துள்ளார்.

பசுக்களை ஏற்றிச் சென்றதாகவும், மாட்டிறைச்சி கொண்டு சென்றதாகவும் கூறி ராஜஸ்தான், உத்திரப் பிரதேசம், ஜார்க்கண்ட் உள்ளிட்ட வட மாநிலங்களில் தாக்குதல் சம்பவங்கள் நடைபெற்று வருகின்றன. பசு பாதுகாவலர்கள் என்ற பெயரில் சிலர் தொடர்ந்து வன்முறை சம்பவத்தில் ஈடுபட்டு வருகின்றனர். இதுபோன்ற சம்பவங்களில் ராஜஸ்தான் மாநிலம் அல்வார் மாவட்டத்தில் இந்த ஆண்டில் மட்டும் இரண்டு முஸ்லீம்கள் கொல்லப்பட்டுள்ளனர்.

இந்நிலையில், பசுக்களை சட்டவிரோதமாக ஏற்றிச் சென்றதாக கூறி அல்வார் மாவட்டத்தில் ஒருவர் மீது தாக்குதல் நடைபெற்றுள்ளது. ஹரியானா மாவட்டத்தை சிலர் வாகனங்களில் பசுக்களை ஏற்றி அல்வார் மாவட்டம் வழியாக சென்றுள்ளனர். தகவல் அறிந்த காவல்துறையில் வாகனத்தை பிடிக்க முயன்றுள்ளனர். ஆனால், தடுப்புகளை தாண்டி வாகனம் நிற்காமல் சென்றுவிட்டதாக கூறப்படுகிறது.

இதனையடுத்து, வாகனத்தை வழிமறித்த ஒரு கும்பல் அதில் இருந்த மூன்று பேர் மீது தாக்குதல் நடத்த முயன்றது. அதில் இரண்டு பேர் தப்பி செல்ல, ஜாகிர் கான்(46) என்பவர் மட்டும் சிக்கிக் கொண்டார். அவர் மீது அந்த கும்பல் சரமாரியாக தாக்குதல் நடத்தியது. போலீசார் அந்த இடத்திற்கு வந்து அவரை கைது செய்தனர். இருப்பினும் ஜாகிர் கான் படுகாயம் அடைந்திருந்ததால் மருத்துவமனையில் அனுமதிக்கப்பட்டார். வாகனத்தில் இருந்த 8 பசுக்கள் பறிமுதல் செய்யப்பட்டது. அதில் இரண்டு பசுக்கள் இறந்த நிலையில் இருந்தது.

இந்த சம்பவம் குறித்து செய்தியாளர்களிடம் பேசிய அப்பகுதி பாஜக எம்.எல்.ஏ. கியன் தேவ் அஹுஜா, பசுக்களை கடத்தினாலோ, கொன்றாலோ அவர்கள் கொல்லப்படுவீர்கள் என்று கூறினார். மேலும், வாகனம் கவிழ்ந்து விழுந்ததால்தான் அவருக்கு காயம் ஏற்பட்டதாகவும், யாரும் தாக்குதலில் ஈடுபடவில்லை என்றும் எம்.எல்.ஏ. தெரிவித்தார். பாஜக எம்.எல்.ஏவின் பேச்சுக்கு அம்மாநில எதிர்க்கட்சிகள் கடும் கண்டனம் தெரிவித்துள்ளன.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close