[X] Close
JUST IN
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை
  • BREAKING-NEWS தமிழகத்தில் கடலோர மாவட்டங்களில் 405 ஆம்புலன்ஸ்கள் தயார் நிலையில் வைக்கப்பட்டுள்ளன - தமிழக அரசு
  • BREAKING-NEWS கஜா புயலை எதிர்கொள்ள அவசர கால சேவை 108, மருந்து உதவி சேவை 104 தயார் நிலையில் உள்ளது - தமிழக அரசு
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்

ரியான்ஸ் மாணவன் கொலை வழக்கு: சிறார் குற்ற விசாரணை ஆணையம் புதிய உத்தரவு

new-turning-point-in-ryan-s-school-student-murder-case

ஏழு வயது சிறுவனை பள்ளியில் வைத்து கொலை செய்த 11 ஆம் வகுப்பு மாணவரை சிறார் குற்றப்பிரிவில் வைத்து விசாரிக்கக்கூடாது என்று சிறார் குற்ற விசாரணை ஆணையம் தெரிவித்துள்ளது.

குர்கானில் உள்ள ரியான்`ஸ் சர்வதேசப் பள்ளியில் கடந்த செப்டம்பர் 8 ஆம் தேதி 7 வயது சிறுவன் கொலை செய்யப்பட்ட சம்பவம் நடந்தது. பள்ளியின் கழிவறையில் 2 ஆம் வகுப்பு மாணவன் பிரத்யூமன் கழுத்து அறுக்கப்பட்ட நிலையில் கொடூரமாக கொல்லப்பட்டு கிடந்தான். நாட்டையே அதிர வைத்த இந்த கொலை சம்பவத்தில் 14 சிறப்பு அதிரடிப்படைகள் அமைக்கப்பட்டு பள்ளி வாகன ஓட்டுநர் அசோக்குமார் கைது செய்யப்பட்டார். இந்த வழக்கு சிபிஐக்கு மாற்‌றப்பட்ட நிலையில், அவர்கள் நடத்திய விசாரணையில் 11 ஆம் வகுப்பு மாணவன் கைது செய்யப்பட்டான்.

படிப்பில் மிகவும் பின்தங்கிய அந்த மாணவன், தேர்வை தள்ளிவைக்கவும், பெற்றோர் ஆசிரியர் கூட்டத்தை ஒத்திவைக்கவும் செப்டம்பர் 8 ஆம் தேதி ஒரு கொலையை செய்ய திட்டமிட்டதாகவும், அந்த நேரத்தில் பிரத்யூமன் கழிவறைக்கு வந்ததால் அவனை கழுத்தை அறுத்து கொலை செய்ததாகவும் பிடிபட்ட மாணவன் தெரிவித்துள்ளான். 15 வயது சிறுவன் என்பதால் சிறார் குற்றப்பிரிவில் வழக்குப்பதிவு செய்யப்பட்டது. இதனை எதிர்த்து சிறார் குற்ற விசாரணை ஆணையத்தில் தாக்கல் செய்யப்பட்ட மனுவில், 11 ஆம் வகுப்பு மாணவன் மீது சிறார் குற்றப்பிரிவில் விசாரிக்கக்கூடாது என்று ஆணையம் உத்தரவிட்டுள்ளது. திட்டமிட்டு கொடூரமான செயலை செய்துள்ள சிறுவனை இளைஞராக கருதி விசாரணை நடத்தவும் உத்தரவிடப்பட்டுள்ளது.

நிர்பயா கொலை வழக்கில், 17 வயதுக்குட்பட்ட நபர்தான் கொடூரமான முறையில் நடந்துகொண்டதாக கூறப்பட்ட நிலையிலும், அவரை சிறார் குற்றப்பிரிவிலேயே வைத்து விசாரித்து அதற்கேற்ற தண்டனையே வழங்கப்பட்டது குறிப்பிடத்தக்கது.

Advertisement:
Advertisement:
Advertisement:
[X] Close