[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

காஷ்மீரின் முதல்வராகவுள்ள மெபூபாவின் அரசியல் பயணம்

who-is-mehbooba-mufti

காஷ்மீரின் புதிய முதல்வராக பதவியேற்கக்கூடும் என எதிர்பார்க்கப்படும் மெகபூபா முஃப்தி யார்? அவரது பின்னணி என்ன ? என்பது பற்றி இப்போது பார்க்கலாம்

காஷ்மீரின் அனந்தநாக் நகரில் 1959ம் ஆண்டு மே 22ம் தேதி முஃப்தி முகமது, குல்ஷன் நசீர் தம்பதிக்கு மகளாக மெகபூபா பிறந்தார். மெகபூபாவுக்கு ஒரு சகோதரியும், ஒரு சகோதரரும் உள்ளனர். காஷ்மீர் பல்கலைக்கழகத்தில் சட்டப் படிப்பு முடித்துள்ள மெகபூபாவுக்கு இரண்டு மகள்கள் இருக்கின்றனர். சமூகப் பணிகளில் கவனம் செலுத்தி வந்த அவர், 1995ல் தந்தையுடன் இணைந்து அரசியலில் ஈடுபடத் தொடங்கினார்.

1996ல் காஷ்மீர் சட்டமன்றத் தேர்தலில் காங்கிரஸ் கட்சி சார்பில் போட்டியிட்டு வெற்றி பெற்ற மெகபூபா, 1996 முதல் 99 வரை சட்டமன்ற எதிர்க் கட்சித் தலைவராக பணியாற்றினார். மீண்டும் 2002 முதல் 2004ம் ஆண்டு வரை சட்டமன்ற உறுப்பினராக இருந்தார்.

2004ம் ஆண்டு முதல்முறையாக நாடாளுமன்ற உறுப்பினராக தேர்வு செய்யப்பட்டார் மெகபூபா. 2009ம் ஆண்டில் மக்கள் ஜனநாயகக் கட்சியின் தலைவராக மெகபூபா பொறுப்பேற்றார். 2014 நாடாளுமன்றத் தேர்தலில் அனந்தநாக் தொகுதியில் போட்டியிட்டு வெற்றி பெற்ற அவர், தனது கட்சியை பலப்படுத்தும் பணியில் ஈடுபட்டார். கடந்த ஆண்டு காஷ்மீர் சட்டமன்றத் தேர்தலில் தனிப்பெரும் கட்சியாக மக்கள் ஜனநாயகக் கட்சி அதிக இடங்களைப் பிடித்ததில் மெகபூபா முக்கிய பங்காற்றினார்.

தேர்தலுக்குப் பிறகு ஆட்சி அமைப்பதில் பாரதிய ஜனதாவுடன் பேச்சுவார்த்தை நடத்தியதில் மெகபூபா முன்னிலை வகித்தார். அண்மையில் உடல்நலக் குறைவால் பாதிக்கப்பட்ட அவரது தந்தை முப்தி முகமது சயீத், தனக்குப் பிறகு காஷ்மீர் முதலமைச்சராக மெகபூபா தகுதியானவர் என்று கடந்த மாதத் தொடக்கத்திலேயே அதிகாரப்பூர்வமாக அறிவித்திருந்தார். முப்தி முகமது சயீதின் மறைவையடுத்து, காஷ்மீரின் முதலாவது பெண் சட்டப்பேரவைத் தலைவராக மெகபூபாவை அவரது கட்சி அறிவித்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close