[X] Close
JUST IN
  • BREAKING-NEWS தேர்தல் ஆணையம் எந்த சின்னத்தை ஒதுக்கினாலும் அமமுக மிகப்பெரிய வெற்றி பெறும் - டிடிவி தினகரன்
  • BREAKING-NEWS உத்தரப்பிரதேச மாநிலம் சுல்தான்பூர் தொகுதியில் பாஜக சார்பில் மேனகா காந்தி போட்டியிடுகிறார்
  • BREAKING-NEWS குக்கர் சின்னம் கிடைக்காத நிலையில், உச்சநீதிமன்ற உத்தரவுபடி பொதுச்சின்னம் கேட்டு தேர்தல் ஆணையத்தில் டிடிவி தினகரன் மனு
  • BREAKING-NEWS காங்கிரஸ் ஆட்சிக்கு வந்தால் விவசாயிகளின் கடன் தள்ளுபடி செய்யப்படும்; கார்த்தி சிதம்பரத்திற்கு சீட் கொடுத்ததில் தவறில்லை - காங்கிரஸ் தேனி வேட்பாளர் ஈவிகேஎஸ் இளங்கோவன்
  • BREAKING-NEWS 2ம் கட்டமாக மக்களவை தேர்தல் நடைபெறும் தமிழகம். புதுச்சேரி உள்ளிட்ட 97 மக்களவை தொகுதிகளுக்கு வேட்பு மனுத்தாக்கல் நிறைவு
  • BREAKING-NEWS டிடிவி தரப்பு வழக்கில் உச்சநீதிமன்றம் வழங்கிய உத்தரவை மற்ற வழக்குகளுக்கு முன்மாதிரியாக கருதக்கூடாது என்ற ஆணையத்தின் கோரிக்கை நிராகரிப்பு
  • BREAKING-NEWS டிடிவி தினகரனின் அமமுகவுக்கு குக்கர் சின்னத்தை ஒதுக்க உச்சநீதிமன்றம் மறுப்பு

திருப்பத்தூர் தொகுதியின் வேட்பாளர் யார்?: தொண்டர்களால் பேசப்படும் பெயர்கள்..

tiruppattur-constituency-candidates

தமிழக சட்ட‌ப்பேரவை தேர்தலுக்கான, பரப்புரைக் கூட்டங்கள், கூட்டணி குறித்த நகர்வுகள் களைகட்ட ஆரம்பித்திருக்கும் இந்த தருணத்தில், ஒவ்வொரு தொகுதியிலும், ஒவ்வொரு கட்சியின் சார்பாக போட்டியிடுபவர் யார் என்ற‌ கேள்வி அனைவர் முன்பும் எழுந்துள்ளது.

இந்த வகையில், வேலூர் மாவட்டம் திருப்பத்தூர் சட்டப்பேரவைத் தொகுதியின் வேட்பாளர் யார் என தொண்டர்கள் பேசிக்கொள்வதை புதிய தலைமுறை பதிவு செய்கிறது.

வேலூர் மாவட்டம் திருப்பத்தூர் சட்டப்பேரவைத் தொகுதியில், அதிமுக சார்பில், கட்சியின் மாவட்ட இளைஞர் மற்றும் இளம்பெண்கள் பாசறைச் செயலாளரும், நகர கூட்டுறவு வங்கி தலைவருமான டிடி.குமார், கால்நடை மருத்துவரும், திருப்பத்தூர் ஒன்றியக்குழு தலைவருமான திருப்பதி, தற்போதைய சட்டமன்ற உறுப்பினரும், கந்திலி ஒன்றியச் செயலாளருமான கே.ஜி.ரமேஷ் ஆகியோரில் ஒருவர் வேட்பாளராகும் வாய்ப்பிருப்பதாக தொண்டர்கள் மத்தியில் பேசப்படுகிறது.

திமுக சார்பில், கட்சியின் திருப்பத்தூர் நகரச் செயலாளரும், கடந்த தேர்தலில் போட்டியிட்டவருமான ராஜேந்திரன், கட்சியின் ஒன்றியச் செயலாளரும், கட்சியின் தேர்தல் தலைமை முகவராக செயல்படுபவருமான நல்லதம்பி, கட்சியின் மாவட்ட மாணவரணி அமைப்பாளர் மோகன் ஆகியோரில் ஒருவர் வேட்பாளர் ஆகக்கூடும் எனத் தெரிகிறது.

தேமுதிக சார்பில், கட்சியின் வேலூர் மேற்கு மாவட்டச் செயலாளர் ஹரிகிருஷ்ணன், கட்சியின் மாநில நெசவாளர் அணி துணைச் செயலாளர் செந்தில்குமார், கட்சியின் திருப்பத்தூர் நகரச் செயலாளர் ராஜா ஆகியோரில் ஒருவர் வேட்பாளராகும் வாய்ப்பிருப்பதாக கூறப்படுகிறது.

மக்கள் நலக் கூட்டணியின் சார்பில், மதிமுகவிற்கு இந்த தொகுதி ஒதுக்கப்பட்டால், அக்கட்சியின் தலைமை செயற்குழு உறுப்பினரும், திருப்பத்தூர் ஒன்றியச் செயலாளருமான காளிலிங்கன், வேலூர் மேற்கு மாவட்ட மாணவரணி அமைப்பாளர் இமயவர்மன், விடுதலை சிறுத்தைகள் கட்சிக்கு ஒதுக்கப்பட்டால், அக்கட்சியின் வேலூர் தெற்கு மாவட்டச் செயலாளர் சுபாஷ் சந்திரபோஸ் ஆகியோரில் ஒருவர் வேட்பாளராகும் வாய்ப்பிருப்பதாக, தொண்டர்கள் மத்தியில் பேசப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close