[X] Close
JUST IN
  • BREAKING-NEWS தேர்தல் ஆணைய கூட்டங்களில் பங்கு பெறும் ஆணையர்களின் அனைத்து கருத்துகளும் பதிவு செய்யப்படும் - அசோக் லவாசாவின் எதிர் கருத்துகள் பதிவு செய்யப்படவில்லை என்ற சர்ச்சையை அடுத்து இன்று நடந்த தேர்தல் ஆணைய கூட்டத்தில் முடிவு
  • BREAKING-NEWS பொள்ளாச்சி விவகாரம்: சிபிஐ விசாரணை மூலம் விரைவில் உண்மை வெளியே வரும் என்ற நம்பிக்கை உள்ளது- சிபிஐ முன் ஆஜரான பின் நக்கீரன் ஆசிரியர் கோபால் பேட்டி
  • BREAKING-NEWS தூத்துக்குடி துப்பாக்கிச்சூட்டில் உயிரிழந்த 13 பேருக்கு நினைவுச்சின்னம் அமைக்க வேண்டும்- டிடிவி தினகரன் அறிக்கை
  • BREAKING-NEWS தமிழகத்தில் மே 23ம் தேதி வாக்கு எண்ணும் மையங்களில் கூடுதல் பாதுகாப்பு அளிக்க வேண்டும் - தலைமை தேர்தல் அதிகாரி சத்யபிரதா சாஹூவிடம் திமுக சார்பில் மனு
  • BREAKING-NEWS ராசிபுரம் குழந்தைகள் விற்பனை வழக்கில் கைதான அமுதா உள்பட 7 பேர் மீண்டும் ஜாமீன் கேட்டு மனு
  • BREAKING-NEWS அரவக்குறிச்சி இடைத்தேர்தலில் பதிவான வாக்குகளை 17 சுற்றுகளுக்குப் பதிலாக 32 சுற்றுகளாக எண்ண முடிவு
  • BREAKING-NEWS சென்னையில் பெட்ரோல் லிட்டருக்கு ரூ. 73.87 காசுகளாகவும், டீசல் லிட்டருக்கு ரூ. 69.97 காசுகளாகவும் விலை நிர்ணயம்

ஒரே நாளில் 3 வீடுகளில் நகைகள் கொள்ளை

110-pawn-gold-theft-in-3-houses-on-ramanathapuram

ராமநாதபுரத்தில் ஒரே நாளில் 110 சவரன் தங்க நகைகள் கொள்ளையடிக்கப்பட்ட சம்பவம் பரபரப்பை ஏற்படுத்தியுள்ளது. 

ராமநாதபுரம் பட்டிணம்காத்தான் ஆத்மநாதசுவாமி நகரில் வசிப்பவர் ஆசிரியர் அண்ணாதுரை. இவரும் இவரது மனைவியும் ஆசிரியர்கள் என்பதால் வீட்டை பூட்டிவிட்டு பள்ளிக்கு சென்றுவிட்டனர். மாலையில் வீடு திரும்பிய போது வீட்டின் பூட்டு உடைக்கப்பட்டு இருந்தது தெரிந்தது. மர்ம நபர்கள் சிலர் வீட்டுக்குள் புகுந்து பீரோவை உடைத்து அதில் இருந்த ரூ 15 லட்சம் மதிப்பிலான 70 சவரன் தங்க நகைகளை கொள்ளையடித்து சென்றுள்ளது தெரிந்தது. நேற்று மதியம் மழை பெய்த நேரத்தில் வீட்டுக்குள் புகுந்து திருடி இருக்கலாம் என்று போலீசார் தெரிவித்தனர்.

இதேபோல ராமநாதபுரத்தின் புறநகர் பகுதியான காரிக்கூட்டம் கிராமத்தில் நேற்றிரவு மைமூன் பீபி என்பவர் தனது வீட்டை பூட்டிவிட்டு பக்கத்து வீட்டில் தூங்கியிருக்கிறார். காலையில் விடிந்தவுடன் வந்து பார்த்தபோது வீட்டின் பூட்டை உடைத்து வீட்டில் இருந்த 25 சவரன் தங்க நகைகள் கொள்ளையடிக்கப்பட்டுள்ளது தெரிய வந்தது. அதுபோல காரிக்கூட்டம் மைமூன் பீபியின் வீடக்கு அருகில் உள்ள அஜ்மல்கான் என்பவரது வீட்டிலும் பூட்டை உடைத்து 15 பவுன் தங்க நகைகள் மற்றும் ஆவணங்கள் கொள்ளையடிக்கப்பட்டுள்ளன.

இந்த 3 சம்பவங்கள் குறித்தும் கேணிக்கரை போலீசார் வழக்குப்பதிவு செய்து விசாரணை நடத்தி வருகின்றனர். ஒரே நாளில் 3 இடங்களில் கொள்ளையடிக்கப்பட்ட சம்பவம் ராமநாதபுரத்தில் பொதுமக்களிடையே அச்சத்தை ஏற்படுத்தியுள்ளது

தகவல்கள் : அ.ஆனந்தன், செய்தியாளர் - ராமநாதபுரம்

Advertisement:
இது தொடர்பான செய்திகள் :
Advertisement:
Advertisement:
[X] Close