[X] Close
JUST IN
  • BREAKING-NEWS ஊடகங்களிடம் பேச அஞ்சும் பிரதமராக நான் இருக்கவில்லை; ஒவ்வொரு வெளிநாட்டு பயணம் முடிந்ததும் பத்திரிகையாளர் சந்திப்பு நடத்தியிருக்கிறேன் - முன்னாள் பிரதமர் மன்மோகன் சிங்
  • BREAKING-NEWS ரூ.1,258 கோடியில் மதுரையில் எய்ம்ஸ் அமைக்க மத்திய அமைச்சரவை ஒப்புதல் அளித்தது
  • BREAKING-NEWS 2 லட்சம் ரூபாய் வரையிலான விவசாயக் கடன்கள் தள்ளுபடி - மத்திய பிரதேச முதல்வர் கமல்நாத் அறிவிப்பு
  • BREAKING-NEWS மோடிதான் இந்தியாவின் அடுத்த பிரதமராக வருவார் - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி

கணவன் கண்முன் புதுப்பெண்ணை கொன்று கொள்ளை: நள்ளிரவில் பயங்கரம்!

robbers-loot-newly-wed-couple-kill-bride-on-nh58-near-meerut

கணவன் கண்முன்னே, புதுமணப்பெண்ணை கொன்று நகைகள் மற்றும் பணத்தைக் கொள்ளையடித்துச் சென்ற கும்பலை போலீசார் தேடி வருகின்றனர். 

உத்தரப்பிரதேச மாநிலம் முஸாபர் நகரில் உள்ள மிம்லானா சாலையை சேர்ந்தவர் சாஜேப். இவருக்கும் காஸியாபாத் அருகில் உள்ள நாகல் கிராமத்தைச் சேர்ந்த பஹ்ரானாவுக்கும்  திருமணம் நடந்தது. திருமணம் முடிந்து இரண்டு பேர் குடும்பத்தினரும் மிம்லனாவுக்கு காரில் நேற்றிரவு திரும்பிக் கொண்டிருந்தனர். இவர்கள் தேசிய நெடுஞ்சாலை 58 வழியாக வந்துகொண்டிருக்க, இவர்களது உறவினர்கள், மேலும் சில கார்களில் வேறு வழியாக திரும்பிக்கொண்டிருந்தனர்.

இந்நிலையில் பர்தாபூர் அருகே சாலையோரத்தில் இருந்த ஓட்டலில் சாப்பிடுவதற்காக புதுமண தம்பதியர் காரை நிறுத்தினர். சாப்பிட்டுவிட்டு ஊருக்குத் திரும்பினர். அவர்கள் காரை ஒரு கார் விரட்டிக்கொண்டு வேகமாக வந்துகொண்டிருந்தது. சுமார் ஒரு கிலோ மீட்டர் தூரம் சென்றதும் இவர்களின் காரை, மறித்தபடி அந்த கார் வந்து நின்றது. அது பரேலி அருகிலுள்ள மட்டோர் கிராமம். 

அந்தக் காரில் இருந்து 4 பேர் இறங்கினர். அவர்கள் கையில் துப்பாக்கி.  திருமண கோஷ்டியை கீழே இறக்கி, நகைகள் மற்றும் பணத்தைப் பறித்தனர். பின்னர் காருக்குள் புதுப்பெண் தனியாக இருந்ததைப் பார்த்த அவர்கள், நகைகளை கழற்றச் சொல்லிக் கேட்டனர் அவரிடம். அவர் மறுத்ததும் துப்பாக்கியால் நெற்றியில் சுட்டனர். பின்னர் நகைகளை கழற்றிவிட்டு தப்பி ஓடிவிட்டனர்.

இதையடுத்து சஜேப் தனது உறவினர்களுக்கு தகவல் தெரிவித்தார். வேறு வழியில் வந்துகொண்டிருந்த அவர்கள், இங்கு வந்தனர். போலீசுக்கு தகவல் தெரிவித்துவிட்டு ரத்த வெள்ளத்தில் போராடிக்கொண்டிருந்த பஹ்ரானாவை மருத்துவமனைக்கு கொண்டு சென்றனர். ஆனால் அவர் ஏற்கனவே இறந்துவிட்டதாக மருத்துவர்கள் கூறினர். சம்பவம் நடந்த இடத்துக்கு வந்த போலீசார், சிசிடிவி கேமரா மூலம் குற்றவாளிகளைத் தேடி வருகின்றனர்.

இதே பகுதியில் பலமுறை கொள்ளை சம்பவங்களும் கொலை சம்பவங்களும் நடந்துள்ளன. இந்த தேசிய நெடுஞ்சாலை டெல்லி, டேராடூன், ஹரித்வார் போன்ற பகுதிகளை இணைக்கும் முக்கிய சாலை என்பதால், இங்கு போலீஸ் கண்காணிப்பு அதிகரிக்கப்பட வேண்டும் என்ற கோரிக்கை எழுந்துள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close