[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

போர்ப்ஸ் பட்டியல் - டாப் லிஸ்ட்டில் நயன்தாரா

nayanthara-tops-in-the-list-of-highly-paid-celebrities-released-by-forbes

உலகளவில் பிரபலமாக இருக்கும் போர்ப்ஸ் பத்திரிக்கை 2018 ஆம் ஆண்டு அதிகம் வருமானம் ஈட்டிய 100 இந்தியர்களின் பட்டியலை வெளியிட்டுள்ளது. அந்தப் பட்டியலில் ஒரே ஒரு தென்னிந்திய நடிகைதான் இடம் பெற்றுள்ளார், அவர் தமிழ் ரசிகர்களால் லேடி சூப்பர் ஸ்டார் என கொண்டாடப்படும் நயன்தாரா மட்டும்தான்.

100 பிரபலங்கள் கொண்ட பட்டியலில் நயன்தாராவுக்கு 69 ஆவது இடம் கிடைத்துள்ளது. இந்தப்பட்டியலில் பாலிவுட் தொடர்ந்து மூன்றாவது ஆண்டாக பாலிவுட் நடிகர் சல்மான் கான் முதலிடத்தில் உள்ளார். கிரிக்கெட் வீரர் விராட் கோஹ்லி இரண்டாவது இடைத்தை பிடித்துள்ளார்.

2003 இல் மலையாள திரைப்பட உலகில் அறிமுகமான நயன்தாரா, தமிழில் நடித்த முதல் படம் "ஐயா". ஏறக்குறைய 15 ஆண்டுகளாக நடித்து வரும் அவர், இன்னும் பல முக்கியப் படங்களை கை வசம் வைத்துள்ளார். 2019 ஆம் ஆண்டு பொங்கலுக்கு வெளியாகவுள்ள அஜித்தின் "விஸ்வாசம்" படத்தில் கூட நடிக்கிறார். மேலும், கதாநாயகியை மையமாக கதையம்சம் கொண்டு படங்களிலும் நடித்து வருவதால் அவருக்கு லேடி சூப்பர் ஸ்டார் என்று ரசிகர்கள் கொண்டாடி வருகின்றனர்.

இந்த பட்டியலில் ஏ.ஆர். ரஹ்மான் ரூ. 66.75 கோடியுடன் 11வது இடத்திலும், ரூ. 50 கோடியுடன் ரஜினி 14வது இடத்திலும் உள்ளனர். ரூ. 30.33 கோடி வருவாயுடன் விஜய் 26வது இடத்திலும், ரூ. 26 கோடி வருவாயுடன் விக்ரம் 29வது இடத்திலும், ரூ. 23.67 கோடியுடன் சூர்யா 34வது இடத்திலும், ரூ. 23.67 கோடியுடன் விஜய் சேதுபதி 34வது இடத்திலும், ரூ. 17.25 கோடியுடன் தனுஷ் 53வது இடத்திலும் உள்ளனர்.

பாலிவுட்டில் இந்தாண்டு ஷாருக்கானை பின்னுக்கு தள்ளிவிட்டு தீபிகா படுகோன் ரூ.112.8 கோடி வருவாயுடன் நான்காவது இடத்தை பிடித்து, ஷாருக் ரசிகர்களை அதிர்ச்சியில் ஆழ்த்தியுள்ளார். கடந்த ஆண்டு போர்ப்ஸ் பட்டியலில் 2 ஆவது இடத்தில் இருந்த நடிகர் ஷாருக்கான் இந்த ஆண்டு ரூ. 56 கோடி வருவாயுடன் 13வது இடத்துக்கு தள்ளப்பட்டார். அதே போன்று கடந்த ஆண்டு 7 வது இடத்தில் இருந்த நடிகை ப்ரியங்கா சோப்ரா ரூ. 18 கோடி வருமானத்துடன் 49வது இடத்தில் உள்ளார். 

Advertisement:
Advertisement:
Advertisement:
[X] Close