[X] Close
JUST IN
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது
  • BREAKING-NEWS கஜா புயலால் தமிழகம் முழுவதும் உயிரிழந்தோர் எண்ணிக்கை மதியம் 2 மணி நிலவரப்படி 40ஆக அதிகரிப்பு
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு

சானியாவாக நடிக்கிறார் சானியா மிர்ஸா?

sania-mirza-to-play-herself

’பயோபிக்’ சீசன் இது! சினிமா பிரபலங்கள், அரசியல் பிரமுகர்கள், விளையாட்டு வீரர்களின் வாழ்க்கை வரலாறுகளை சினிமா ஆக்குவதில் பாலிவுட்டில் அதிக ஆர்வம் காட்டி வருகின்றனர். அப்படி வெளியான சில பயோபிக் படங்கள் வசூலை வாரி குவித்துள்ளதால் இந்த போக்கு இப்போது அதிகரிக்கத் தொடங்கி இருக்கிறது. 

சச்சின் வாழ்க்கை வரலாறு, தோனியின் வாழ்க்கை வரலாறு, சமீபத்தில் வெளியான சஞ்சய் தத்தின் வாழ்க்கைக் கதையான சஞ்சு, முன்னாள் ஹீரோயின் சாவித்ரியின் வாழ்க்கைக் கதையான ’நடிகையர் திலகம்’ஆகிய படங்கள் வசூலில் சாதனை படைத்துள்ளன. இதனால் மாநில மொழிகளிலும் இதுபோன்ற படங்களை உருவாக்க தயாரிப்பாளர்கள் முன் வந்துள்ளனர்.

குத்துச்சண்டை வீராங்கானை ’மேரி கோம்’ வாழ்க்கை அவர் பெயரிலேயே சினிமாவானது. இதில் பிரியங்கா சோப்ரா நடித்திருந்தார். அடுத்து பேட்மின்டன் வீராங்கானை சாய்னா நேவாலின் வாழ்க்கை படமாக்கப்பட்டு வருகிறது. இதில் ஸ்ரத்தா கபூர் நடித்துவருகிறார். துப்பாக்கிச் சுடும் வீரர் அபினவ் பிந்த்ராவின் வாழ்க்கைக் கதையில் ஹர்ஷ்வர்தன் கபூர் நடித்துவருகிறார்.

மகளிர் கிரிக்கெட் வீராங்கனை மிதாலி ராஜின் வாழ்க்கையும் சினிமா ஆகிறது. இதில் டாப்ஸி நடிப்பார் என்று தெரிகிறது. மற்றொரு பேட்மின்டன் வீராங்கனையான பி.வி.சிந்துவின் வாழ்க்கை கதையும் சினிமாவாகிறது. இதை பிரபல வில்லன் நடிகர் சோனு சூட் தயாரிக்கிறார். இதில் தீபிகா படுகோன் நடிப்பார் என்று கூறப்படுகிறது. இதே போல இன்னும் சில விளையாட்டு வீரர்களின் வாழ்க்கை கதை சினிமாவாகிறது.

அந்த வரிசையில் பிரபல டென்னிஸ் வீராங்கனை சானியா மிர்ஸாவின் வாழ்க்கை வரலாறும் சினிமாவாகிறது. பல்வேறு சினிமா நிறுவனங் கள் அவர் வாழ்க்கை கதையை படமாக்க அனுமதி கேட்டு காத்திருந்த நிலையில், ரோனி ஸ்குருவாலாவின் ஆர்எஸ்விபி புரொடக்‌ஷன்ஸ் நிறுவனத்துக்கு சானியா ஒப்புதல் அளித்துள்ளதாகக் கூறப்படுகிறது. இதன் உரிமைக்காக சானியாவுக்குப் பெரும் தொகைக் கொடுக்கப்பட இருக்கிறது.

இதில் அவரையே சானியாவாக நடிக்க வைக்கவும் பேச்சுவார்த்தை நடந்து வருகிறது. நடிப்பதற்கு சானியா இன்னும் ஒப்புதல் அளிக்கவில்லை என்றும் அவரை சம்மதிக்க வைக்கும் முயற்சிகள் நடந்துவருவதாகவும் கூறப்படுகிறது. 

Advertisement:
Advertisement:
Advertisement:
[X] Close