[X] Close

"சசிகலாவை உதாசீனப்படுத்தினால் 75 தொகுதிகளில் அதிமுக தோற்கும்" - நீக்கப்பட்ட நிர்வாகி

தமிழ்நாடு

Nellai-District-MGR-council-joint-secretary-fired-from-party

சிறையிலிருந்து விடுதலையாகும் சசிகலாவை வரவேற்று நெல்லையில் சுவரொட்டிகள் ஒட்டிய நெல்லை மாநகர் மாவட்ட எம்ஜிஆர் மன்ற இணைச் செயலாளர் சுப்பிரமணிய ராஜா, அதிமுகவிலிருந்து நீக்கப்பட்டுள்ளார்.


Advertisement

கர்நாடகா சிறையிலிருந்து சசிகலா விடுதலையாகியுள்ள நிலையில், அவரை வரவேற்று நெல்லை மாநரகம் முழுவதும் எம்ஜிஆர் மாவட்ட இணைச் செயலாளர் சுப்பிரமணிய ராஜா சுவரொட்டிகளை ஒட்டியிருந்தார். அதில், அதிமுகவை வழிநடத்த வரும் பொதுச்செயலாளர் சசிகலா எனக் குறிப்பிட்டிருந்தார்.

image


Advertisement

இதையடுத்து, அவரை அதிமுகவிலிருந்து நீக்கி கட்சியின் தலைமை நடவடிக்கை எடுத்துள்ளது. அதிமுக தலைமைக் கழகம் வெளியிட்டுள்ள செய்திக் குறிப்பில், 'கழகத்தின் கொள்கை குறிக்கோளுக்கும் கோட்பாடுகளுக்கும் முரணான வகையில் செயல்பட்டதாலும், கழகத்தின் கண்ணியத்திற்கு மாசு ஏற்படும் வகையில் நடந்து கொண்டதாலும் திருநெல்வேலி மாவட்ட எம்ஜிஆர் மன்ற இணைச் செயலாளர் சுப்ரமணியராஜா இன்று முதல் கழகத்தின் அடிப்படை உறுப்பினர் பொறுப்பு உட்பட அனைத்து பொறுப்புகளில் இருந்தும் நீக்கி வைக்கப்படுகிறார்.

கழக உடன் பிறப்புகள் யாரும் இவருடன் எவ்வித தொடர்பும் வைத்துக் கொள்ள வேண்டாம் என கேட்டுக்கொள்கிறோம்' என்று தெரிவிக்கப்பட்டுள்ளது. அறிக்கை வெளியிட்டுள்ளது.

இந்த நிலையில், புதிய தலைமுறையிடம் பேசிய சுப்பிரமணிய ராஜா, சசிகலாவை உதாசீனப்படுத்தினால் தென் மாவட்டங்களில் 75 தொகுதிகளில் அதிமுக தோல்வியுறும் என்று கூறினார்.


Advertisement




Advertisement

Advertisement
[X] Close