“பயங்கரவாதிகளுக்கு‌ நிதி செல்வதை பாகிஸ்தான் தடுக்க வேண்டும்” : நிதி கண்காணிப்புக் குழு எச்சரிக்கை

‌பயங்கரவாத அமைப்புகளுக்கு நிதி அளிக்‌கும் பாகிஸ்தானுக்கு சர்வதேச நிதி கண்காணிப்புக் குழு எச்சரிக்கை விடுத்துள்ளது.

பயங்கரவாத அமைப்புகளுக்கு நிதி செல்வதை தடுக்கும் நடவடிக்கைகளை வரும் செப்டம்பர் மாதத்திற்குள் பின்பற்றாவிட்டால் பாகிஸ்தான் கறுப்புப் பட்டியலில் இணைக்கப்படும் என சர்வதேச நிதி கண்காணிப்புக் குழு எச்சரிக்கை விடுத்துள்ளது. பாரிசை தலைமையிடமாகக் கொண்டு செயல்பட்டு வரும் நிதி கண்காணிப்புக் குழு, வெளியிட்டுள்ள அறிக்கையில், தீவிரவாத அமைப்புகளுக்கு நிதி செல்வதை தடுப்பதில் தீவிரமாக செயலாற்ற வேண்டும் என பாகிஸ்தானுக்கு உத்தரவிட்டிருந்ததாகவும், அந்த உடன்படிக்கையின்படி வரும் செப்டம்பர் மாதத்திற்குள் நடவடிக்கைகளை துரிதப்படுத்த தவறினால் பாகிஸ்தானை கறுப்புப் பட்டியலில் இணைப்பது உள்ளிட்ட அடுத்தகட்ட நடவடிக்கைகளை மேற்கொள்ள வேண்டியிருக்கும் என எச்சரிக்கை விடுத்துள்ளது. 

கடந்த ஜனவரி மற்றும் மே மாதங்களில் இரு முறை பாகிஸ்தான் இந்த இலக்கை தவறிவிட்ட நிலையில் ‌இறுதியாக செப்டம்பர் மாதத்திற்குள் இந்த நடவடிக்கைகளை மேற்கொள்ள வேண்டும் என்று சர்வதேச நிதி கண்காணிப்புக் குழு இறுதி கெடு விதிக்கப்பட்டுள்ளது குறிப்பிடத்தக்கது.