குழந்தைகளுக்கு பாலர் ஆதார்: விரைவில் அறிமுகம்

ஐந்து வயதுக்குட்பட்ட குழந்தைகளுக்கு பாலர் ஆதார் என்ற பெயரில் நீல நிறத்திலான பிரத்யேக ஆதார் அட்டைகள் வழங்கப்படும் என இந்திய தனித்துவ அடையாள ஆணையம் அறிவித்துள்ளது. 

குழந்தைகள் 5 வயதை எட்டியதும் கைவிரல் ரேகை, கருவிழிப் படலம் ஆகியவை பதிவு செய்யப்பட வேண்டும் என கூறப்பட்டுள்ளது. அதனைத் தொடர்ந்து 15 வயதை எட்டும் போது மீண்டும் ஒருமுறை இவற்றை பதிவு செய்ய‌வேண்டுமென அறிவுறுத்தப்பட்டுள்ளது. இந்த ந‌டைமுறைகள் அனைத்தும் ஆதார் மையங்களில் இலவசமாக மேற்கொள்ளலாம் என தெரிவிக்கப்பட்டுள்ளது. குழந்தையின் ஆதார் பதிவுக்கு, பிறப்புச் சான்றிதழ், மற்றும் தாய் தந்தையரில் ஒருவரின் ஆதார் அட்டை தேவைப்படும் என இந்தியத் தனித்துவ அடையாள ஆணையம் அறிவித்துள்ளது. ஆதார் பதிவு நடைமுறைகள் நிறைவடைந்து 60 நாட்களுக்குள் பாலர் ஆதார் அட்டை வீட்டுக்கு அனுப்பி வைக்கப்படும் என தெரிவிக்கப்பட்டுள்ளது.