Published : 19,Sep 2022 09:03 AM

ஹெல்மெட் அணியாத ஜி.பி.முத்து... அதிவேகத்தில் TTF வாசன்! இணையத்தில் பரவும் சர்ச்சை வீடியோ

Controversial-video-of-GP-Muthu-travels-without-helmet-with-TTF-Vasan-at-high-speed-going-viral-on-the-internet

ஜிபி முத்து ஹெல்மெட் அணியாமல் , TTF வாசன் உடன் இணைந்து அதிவேகமாக பைக் ஓட்டும் காட்சி இணையத்தில் பரவி வருகிறது.

Twin Throttlers என்ற யூ டியூப் சேனலை நடத்தி வரும் TTF வாசன் பைக்கில் பயணம் செய்வதை வீடியோவாக போடுவது தான் இவரின் வழக்கம். அதுமட்டுமின்றி, பைக்கில் வேகமாக செல்வது, ஸ்டண்ட் செய்வது, ரேஸ் செய்வது, போகும் வழியில் சிறுவர்கள், முதியவர்களை கண்டால் அவர்களுக்கு உதவுவது என்பன போன்றவற்றை இவர் வீடியோவாக போட்டு வருகிறார். சாலை விதிகளை மீறுவது போன்ற செயல்களில் ஈடுபடுவதாக இவர் மீது புகார் உள்ளது.

image

இந்நிலையில் யூடியூபர் TTF வாசன் ஆபத்தான முறையில் பைக் ஓட்டி சாகசம் செய்யும் வீடியோ வெளியாகியுள்ளது. வாகனங்கள் வரும் எதிர்திசையில் கைகளை விட்டு அதிவேகமாக பைக் ஓட்டி ஜிபி முத்துவுடன் இணைந்து அவர் வெளியிட்ட வீடியோ வைரலாகி வருகிறது.

அந்த வீடியோவில் இருவரும் லடாக் செல்வதாக கூறுகின்றனர். மணிக்கு 150 கிலோ மீட்டர் வேகத்தில் அவர் செல்லும் பைக்கின் வேகம் காண்போரையும் பதைபதைக்கவைக்கிறது. இந்த பயணத்தின் போது ஜிபி முத்து ஹெல்மட் அணியவில்லை என்பது குறிப்பிடத்தக்கது.

சற்று முன்



எடிட்டர் சாய்ஸ்