மாரி செல்வராஜ் - உதயநிதி ஸ்டாலின் படத்தில் இணையும் வடிவேலு

இயக்குநர் மாரி செல்வராஜ் - உதயநிதி ஸ்டாலின் இணையும் புதிய படத்தில் நடிகர் வடிவேலு இணையவிருக்கிறார் என்று தகவல் வெளியாகியிருக்கிறது.

‘கர்ணன்’ படத்திற்குப் பிறகு இயக்குநர் மாரி செல்வராஜ் இயக்குநர் பா.ரஞ்சித் தயாரிக்கும் துருவ் விக்ரமின் படம், தனுஷின் பெயரிடாதப்படம் ஆகிய இரண்டு படங்களை இயக்குகிறார். முதலில் இந்தப் படங்களைத்தான் இயக்குவதாக இருந்தது. ஆனால், உதயநிதி ஸ்டாலின் முழுநேர அரசியல்வாதியாய் மாற விரும்புவதால் கடைசியாக மாரி செல்வராஜ் படத்தில் நடிக்கவிருக்கிறார் என்று சொல்லப்படுகிறது.

அதனால், மாரி செல்வராஜ் உதயநிதி படம் முதலில் துவங்கவிருக்கிறது என்று சொல்லப்படுகிறது. ஏற்கனவே, இப்படத்தில் மலையாள நடிகர் ஃபகத் ஃபாசில் நடிக்க ஒப்பந்தமாகி இருக்கிறார். இந்த நிலையில், நடிகர் வடிவேலு முக்கியமான கதாபாத்திரத்தில் நடிக்கிறார் என்று தகவல் வெளியாகியுள்ளது. வடிவேலு தற்போது ஹீரோவாக ‘நாய் சேகர் ரிட்டர்ன்ஸ்’ படத்திலும் நடித்து வருகிறார் என்பது குறிப்பிடத்தக்கது.