[X] Close >

டிம்பிள் கபாடியாவைப் பாராட்டிய கிறிஸ்டோபர் நோலன்: மருமகன் அக்‌ஷய் பெருமிதம்

dimple-kapadia-tenet

ஹாலிவுட் நடிகர்களே ஆக்கிரமித்துள்ள 'டெனட்' படத்தில், பாலிவுட்டின் புகழ்பெற்ற நடிகையும், அக்‌ஷய் குமாரின் மாமியாருமான டிம்பிள் கபாடியா 'பிரியா' என்ற கதாப்பாத்திரத்தில் நடித்துள்ளார்


Advertisement

உலகின் முக்கியமான இயக்குநர்களில ஒருவராகக் கருதப்படும் கிறிஸ்டோபர் நோலன் இயக்கியுள்ள ’டெனட்’ திரைப்படம் இந்தியா முழுக்க இந்தி, தமிழ், தெலுங்கு என பல்வேறு மொழிகளில் நேற்று வெளியாகி வரவேற்பையும் விமர்சனங்களையும் பெற்று வருகிறது. வித்தியாசமான கதைக்களத்துடன் சயின்ஸ்ஃபிக்‌ஷன் திரைப்படங்கள் எடுக்கும் கிறிஸ்டோபர் நோலன் படங்கள் எப்போது வரும் என்று அவரது ரசிகர்களும், சினிமா விமர்சகர்களும் ஆவலுடன் காத்துக்கொண்டிருப்பார்கள்.

image


Advertisement

மெமன்டோ, பேட்மேன் பிகின்ஸ், தி டார்க் நைட், தி டார்க் நைட் ரைசஸ், இன்செப்ஷன், இன்டர்ஸ்டெல்லர் என கிறிஸ்டோபர் நோலனின் திரைப்படங்கள் அத்தனையும் உலகம் முழுக்க வசூல் சாதனை செய்தவை. அப்படியொரு புகழ்மிக்க இயக்குநரான கிறிஸ்டோபர் நோலன் தற்போது ’டெனட்’ படத்தை இயக்கி முடித்திருக்கிறார். ஏற்கனவே, இந்தியாவில் வெளியாகவிருந்த இந்தப் படம் கொரோனா ஊரடங்கால் தள்ளிப்போனது.

image

கடந்த மாதம் ஒருசில நாடுகளில் மட்டும் ’டெனட்’ வெளியாகி இருந்த நிலையில், நேற்று இந்தியா முழுக்க வெளியாகி இருக்கிறது. ஹாலிவுட் நடிகர்களே அதிகம் ஆக்கிரமித்துள்ள இப்படத்தில்,  பாலிவுட் முன்னணி நடிகர் அக்‌ஷய் குமாரின் மாமியார் நடிகை டிம்பிள் கபாடியா ’பிரியா’ என்ற கதாப்பாத்திரத்தில் நடித்து இந்தியாவிற்கு பெருமை சேர்த்துள்ளார். அவருக்கும், கதையில் முக்கியத்துவம் கொடுக்கப்பட்டுள்ளது என்று கூறப்படுகிறது.


Advertisement

image

இந்நிலையில் நடிகர் அக்‌ஷய்  குமார், தனது மாமியார் டிம்பிள் கபாடியா கிறிஸ்டோபர் நோலனுடன் இருக்கும் புகைப்படத்தையும், கிறிஸ்டோபர் நோலன் மாமியாருக்கு எழுதிய குறிப்பையும் தனது ட்விட்டர் பக்கத்தில் பகிர்ந்து ‘இதோ என் பெருமைமிக்க மருமகன் தருணம்’ என்று பூரிப்புடன் கூறியுள்ளார்.

image

(மனைவி டிம்பிள் கண்ணாவுடன் அக்‌ஷய் குமார்)

அவர் பகிர்ந்த டிம்பிள் கபாடியா குறித்து கிறிஸ்டோபர் நோலன் எழுதியுள்ள குறிப்பில்,  ”உங்களுடன் பணியாற்றியது மகிழ்ச்சியாக இருந்தது. உலகெங்கிலும் பிரியாவை உயிர்பித்ததில் பெருமை அடைகிறேன். உங்கள் திறமையையும் கடின உழைப்பையும் டெனட் படத்திற்கு வழங்கியமைக்கு நன்றி” என்று பாராட்டியுள்ளார். இதனால், டிம்பிள் கபாடியா என்ற ஹாஷ்டேக்கில் இந்திய அளவில் அக்‌ஷய் குமார் ரசிகர்களும் கிறிஸ்டோபர் நோலன் ரசிகர்களும் ட்ரெண்ட் செய்து வருகின்றனர். 

அக்‌ஷய் குமார் மாமியார் டிம்பிள் கபாடியாவும் பாலிவுட்டில் முன்னணி நடிகையாக இருந்தவர்தான். இவரின் மகள் ட்விங்கிள் கண்ணாவை அக்‌ஷய் குமார் கடந்த 2001 ஆம் ஆண்டு திருமணம் செய்துகொண்டார்.

 

Advertisement:

Advertisement

Advertisement

Advertisement
[X] Close