ஹத்ராஸ் பெண்ணின் குடும்பத்தை நான் சந்திப்பதை எந்த சக்தியாலும் தடுக்க முடியாது:ராகுல்காந்தி

ஹத்ராஸில் கூட்டு பாலியல் வன்கொடுமை செய்யப்பட்டு உயிரிழந்த பெண்ணின் குடும்பத்தை நான் சந்திப்பதை எந்த சக்தியாலும் தடுக்க முடியாது என்று காங்கிரஸ் எம்.பி ராகுல்காந்தி டிவீட் செய்துள்ளார்

காங்கிரஸின் எம்.பி ராகுல் காந்தி டிவிட்டரில் வெளியிட்டுள்ள பதிவில் " ஹத்ராஸில் உயிரிழந்த பெண்ணின் குடும்பத்தை நான் சந்திப்பதை எந்த சக்தியாலும் தடுக்க முடியாது." என்று கூறியுள்ளார். மேலும் இன்னொரு பதிவில் " உயிரிழந்த பெண் மற்றும் அவரது குடும்பத்தினரிடம் உத்தரபிரதேச போலீஸின் நடத்தை என்னால் ஏற்றுக்கொள்ள முடியாது, ஒவ்வொரு இந்தியனும் ஏற்றுக்கொள்ள மாட்டான்" என தெரிவித்துள்ளார்.

ஹத்ராஸை சேர்ந்த 19 வயது இளம்பெண் கூட்டு பாலியல் வன்கொடுமை செய்யப்பட்டு உயிரிழந்தார், அந்த பெண்ணின் குடும்பத்தினரை சந்திக்க சென்ற ராகுல் காந்தி மற்றும் பிரியங்கா காந்தி ஆகியோர் தடுத்து நிறுத்தப்பட்டனர். அப்போது போலீசாருடன் ஏற்பட்ட தள்ளுமுள்ளுவில் ராகுல்காந்தி கீழே விழுந்தார்.