”என்னுடைய இரண்டு ஃபேவரைட் வீரர்கள்: சஸ்பென்ஸ் உடைத்த சங்கக்கரா”

இலங்கையின் முன்னணி கிரிக்கெட் வீரர்களில் ஒருவரும் இலங்கை அணியின் முன்னாள் கேப்டனுமான குமார் சங்கக்கரா தனது பேவரைட் பேட்ஸ்மேன்கள் யார் என்பதை தெரிவித்திருக்கிறார். ஆனால், அவர் குறிப்பிட்ட இரண்டு வீரர்கள் பட்டியலில், இலங்கை மற்றும் இந்திய  வீரர்களின் பெயர்கள் ஒன்றுக்கூட இடம்பிடிக்கவில்லை. மாறாக,மேற்கிந்திய அணிகளின் முன்னாள் அதிரடி வீரர்கள் இருவரின் பெயர்களைச் சொல்லியிருக்கிறார்.

 தற்போது மெல்போர்ன் கிரிக்கெட் கிளப்பின் தலைவராக உள்ள சங்கக்கரா எம்.சி.சியின் அதிகாரப்பூர்வமான ட்விட்டர் பக்கத்தில் ரசிகர்களின் கேள்வி பதிலுக்கு பதிலளிக்கும்போது ’எல்லா நேரத்திலும் உங்களுக்கு பிடித்தமான பேட்ஸ்மேன்கள் யார்?’ என்ற ரசிகரின் கேள்விக்கு,  ’மேற்கிந்திய அணியில் போற்றக்கூடிய அதிக ரசிகர்களைக் கொண்ட சர் விவியன் ரிச்சர்ட்ஸ் மற்றும் பிரையன் லாரா ஆகிய இருவரும்தான் எனது பேட்டிங் ஹீரோக்கள். கிரிக்கெட்டை எனது தொழிலாக எடுத்துக்கொள்ளத் தூண்டியது அவர்களின் விளையாட்டுகள்தான்” என்று பாராட்டியுள்ளார்.

சங்ககாரா கேப்டனாக இருந்தபோது இலங்கை அணியை பலதடவை உலகக்கோப்பையின் இறுதிப்போட்டிக்குள் அழைத்துச் சென்றார். இதே சங்கக்கராதான் ஐ.சி.சி தலைவர் பதவிக்கு கங்குலியை நிறுத்தவேண்டும் என்றும் ஆதரவு குரல் கொடுத்தவர்.