இந்தியன் 2 விபத்து: காஜல், பிரசன்னா உள்ளிட்ட திரையுலகினர் இரங்கல்

india-s-first-5g-video-call-demoed-by-ericsson-qualcomm-at-imc

இந்தியன் 2 திரைப்படத்திற்கான படப்பிடிப்பு தளத்தில் உயிரிழந்தவர்களின் குடும்பத்தினருக்கு திரையுலகைச் சேர்ந்த பலர் இரங்கலைத் தெரிவித்துள்ளனர்.


Advertisement

நடிகர் கமல்ஹாசன், இயக்குநர் ஷங்கர் கூட்டணியில் உருவாகி வரும் திரைப்படம் இந்தியன் 2. இந்தப்படத்தின் படப்பிடிப்பு பிப்ரவரி 7‌ஆம் தேதி முதல் செம்பரம்பாக்கத்தில் உள்ள பிலிம் சிட்டியில் பிரமாண்ட செட் அமைக்கப்பட்டு இ‌ரவு பகலாக படப்பிடிப்பு நடைபெற்று வருகிறது. இந்த நிலையில், நேற்றிரவு படப்பிடிப்பு தளத்தில், ஸ்டுடியோ லைட் வைக்கப்பட்டிருந்த கிரேன் ஒன்று அறுந்து விழுந்து விபத்து ஏற்பட்டது. அப்போது கிரேனுக்கு அடியில் சிக்கிய உதவி இயக்குநர் கிருஷ்ணா,‌ தயாரிப்பு உதவியாளர்கள் மது மற்றும் சந்திரன் ஆகியோர் நிகழ்விடத்திலேயே உயிரிழந்தனர். மேலும், 9 பேர் காயமடைந்தனர்.

image


Advertisement

படப்பிடிப்பு தளத்தில் உயிரிழந்தவர்களின் குடும்பத்தினருக்கு திரையுலகைச் சேர்ந்த பலர் இரங்கலைத் தெரிவித்து வருகின்றனர். இது தொடர்பாக ட்வீட் செய்துள்ள காஜல் அகர்வால், ''நான் உணரும் மன வேதனையை வார்த்தைகளால் விவரிக்க முடியாது'' என தெரிவித்துள்ளார்


Advertisement

விபத்து குறித்து பதிவிட்டுள்ள ரகுல் ப்ரீத் சிங், ''இது மிக மிக சோகம்'' என குறிப்பிட்டுள்ளார்.

''துயர செய்தியுடன் இது ஒரு சோகமான காலையாகிவிட்டது. உயிரிழந்தவர்களின் குடும்பத்தினருக்கு ஆழ்ந்த இரங்கல்கள்'' என நடிகர் பிரசன்னா ட்வீட் செய்துள்ளார்.

மேலும் நடிகை வரலட்சுமி, நடிகை ஐஸ்வர்யா ராஜேஷ், நடிகர் ஆர்யா, லைகா தயாரிப்பு நிறுவனம் என திரையுலகைச் சேர்ந்த பலரும் இந்தியன்2 விபத்து தொடர்பாக ட்வீட் செய்து தங்களது மனவருத்தத்தை பதிவு செய்துள்ளனர்

இந்தியன் 2 விபத்து: கார்டூனிஸ்ட் மதனின் மருமகன் உயிரிழப்பு

loading...

Advertisement

Advertisement

Advertisement