[X] Close >

நாளை மறுநாள் 5 நிலைகளை கொண்ட சூரிய கிரகணம்.. என்ன சொல்கிறார்கள் விஞ்ஞானிகள்..!

Day-after-tomorrow-solar-eclipse

தமிழ்நாட்டில் வரும் 26-ஆம் தேதி வளைய சூரிய கிரகணம் நிகழவுள்ளது. அதனை‌க் காண, உலகிலுள்ள வானியல் ஆய்வாளர்கள், ஆர்வலர்கள் என பலர் தமிழ்நாட்டில் முகாமிட்டுள்ளனர்.


Advertisement

பூமிக்கும், சூரியனுக்கும் இடையே ஒரே நேர்கோட்டில் நிலவு வரும் போது அதன் நிழல் பூமியின் மீது விழும் நிகழ்வு சூரிய கிரகணமாகும். சூரியன் முழுவதும் நிலவால் மறைக்கப்படுவது முழு சூரிய கிரகணம். மையப்பகுதி மட்டும் மறைக்கப்பட்டு, சூரியனின் விளிம்பு பிரகாசிப்பது வளைய சூரிய கிரகணம் அல்லது கங்கண சூரிய கிரகணம் என அழைக்கப்படுகிறது.

image


Advertisement

இந்த அறிவியல் அதிசயம் வரும் 26-ஆம் தேதி தமிழ்நாட்டில் நிகழவுள்ளது. கிழக்கு வானில் உதயமாகும் சூரியனை மேற்கு பக்கத்தில் இருந்து நிலவு மறைக்கத் தொடங்கும். காலை 8 மணியளவில் தொடங்கும் இந்த நிகழ்வு பகல் 11 மணி 11 நிமிடங்கள் வரை ஏறக்குறைய 3 மணி நேரம் 30 நிமிடங்கள் நீடிக்கும். ஆனால், சூரியனின் மையப்பகுதியை நிலவு மறைப்பதால் வானில் தோன்றும் நெருப்பு வளையத்தை காலை 9.35 மணிக்கு சுமார் 2 நிமிடங்கள் மட்டுமே காணமுடியும். அதன்பின் நிலவு விலகத் தொடங்கிவிடும்.

சூரிய கிரகணம் 5 நிலைகளைக் கொண்டுள்ளது. சூரியனை நிலவு தீண்டும் நிலை ஸ்பரிசம் என அழைக்கப்படுகிறது. இதுவே முதல்நிலை. சூரியனுக்குள் முழுமையாக நிலவு சென்றுவிடுவது 2-ஆவது நிலை. அதிகபட்சமாக நிலவால் சூரியன் மறைக்கப்பட்டு அதன் விளிம்பு பிரகாசிப்பது 3-ஆவது நிலை. சூரியனிலிருந்து நிலவு விலக தொடங்குவது 4-ஆவது நிலை. கிரகணம் முழுமையாக விலகுவது 5-ஆவது நிலை. இது மோட்சம் என அழைக்கப்படுகிறது. இந்தியா முழுவதும் சூரிய கிரகணத்தின் பிறை வடிவத்தை காணமுடியும். உதகை, கோவை, திருப்பூர், ஈரோடு, கரூர், திண்டுக்கல், சிவகங்கை, திருச்சி,
புதுக்கோட்டையில் மட்டுமே வளைய சூரிய கிரகணத்தை கண்டு ரசிக்க முடியும். சூரிய கிரகணத்தை கண்டு அச்சப்படத் தேவையில்லை என்கிறார்கள்
விஞ்ஞானிகள்.

image


Advertisement

சூரிய ஒளியை மறைப்பதால் மரத்தின் நிழல் எப்படி பூமியில் விழுகிறதோ, அதோ போன்றே சூரியனின் ஒளியை மறைக்கும் நிலவின் நிழல் பூமியின் மீது விழும் நிகழ்வும் என்கிறார்கள் விஞ்ஞானிகள். சூரிய கிரகணத்தின் போது திறந்த வெளியில் இருப்பதோ, உணவு உண்பதோ எவ்வித தீங்கையும் ஏற்படுத்தாது என்றும் அவர்கள் விளக்கியுள்ளனர். எவ்வித அச்சத்திற்கு ஆட்படாமல் பல ஆண்டுகளுக்கு பிறகு நிகழும் வானியல் அதிசயத்தை சூரிய கண்ணாடிகள், சூரிய ஒளி பிம்பங்கள் மூலம் எளிதில் கண்டு ரசிக்கலாம்.

Advertisement:

Advertisement

Advertisement

Advertisement
[X] Close